كتب- أحمد عبد العليم
تحدث الفنان سيد رجب عن مسلسل “أبو العروسة” كاشفا أنه كان خائفا من المشاركة في العمل في البداية.
وقال سيد رجب في لقائه ببرنامج Sold Out مع الإعلامي محمود سعد: “لما اتعرض عليا أبو العروسة كنت شايف أن المسلسل بسيط وبطولة وأنا بخاف ومش عايز اتحمل مسئولية مسلسل كامل أنا البطل فيه، لكن اشتغلت فيه ومن خلاله شفت أمي وأبويا وخالتي شفت عيلتي، رجعتلي حياتي القديمة وكان جزء من سبب أني أخد قرارات في حياتي”.
وأكمل: “طول تصوير مسلسل “أبو العروسة” كنت جوا أسرتي اللي شايفها وأنا صغير، أنا عندي أولاد زياد وبسمة وعندي حفيدين هنا ونوح لكن أنا عايش وحدي، كل واحد فيهم منشغل في حياته ودا طبيعي، لكن “هنا” حفيدتي دلوقتي كلنا حواليها، أنا نفسي أحفادي يشوفوا وعيشوا اللي أنا عيشته وأنا صغير”.
واختتم سيد رجب كلامه: “فكرة العيلة لقيتها في مسلسل “أبو العروسة” ولقيت حياتي اللي كنت بحبها وأنا صغير واتربيت ونشأت على أساسها”.
مسلسل “أبو العروسة” تأليف وإخراج هاني كمال وبطولة سيد رجب وسوسن بدر وأحمد صيام ومدحت صالح ونرمين الفقي وصفاء الطوخي ومحمود حجازي ومحمد عادل وولاء الشريف وكارولين عزمي ورانيا فريد شوقي وأماني كمال ووفاء صادق ونور محمود.
