كتب- أحمد عبد العليم
شن سليمان وهدان عضو مجلس إدارة الزمالك المستقيل من منصبه، هجوماً عنيفاً على مرتضى منصور رئيس نادي الزمالك المعزول، موضحاً أن الزمالك يدفع حالياً ثمن إنفراده بقرارات النادي.
وقال سليمان وهدان في تصريحات تلفزيونية، “نادي الزمالك عنده مشاكل والمشاكل دي تراكميه على مدار السنوات، حاولنا نحل المشاكل دي ولكن المديونيات كبيره جدا في كل القطاعات”.
وأضاف سلبمان وهدان، “في اخر 6 او 8 شهور حاولنا نحل ولكن معرفناش ، يمكن الاستقاله كانت مفاجئة ولكن احنا بيننا كأعضاء كنا بنصبر بعض، كلنا كان عندنا رغبه في الاستقاله ، احنا خلاص مبقناش قادرين”.
وتابع سليمان وهدان، “انفراد مرتضى منصور بالقرارات كان جزء من مشاكل الزمالك، عدم وجود المؤسسية كان سبب اخر ، احنا كنا ممكن نصحى الصبح نقول احنا مثلاً هنعمل النهارده كذا ، طيب مين ماسك الملفات دي ؟ مفيش وده بسبب غياب المؤسسية”.
واستكمل سليمان وهدان تصريحاته قائلاً، “الشعور ان انت عندك مظلوميه وغيره ده نتيجه عشوائية كبيره عندنا ، الامر التاني اللي اقدر اقول عليه هو مكنش موجود هو الاستقرار ، الاستقرار الفني والإداري مهم، احنا هندعم اي حد يبقى موجود الفتره المقبله واي مساعده محتاجنها هنبقى موجودين”.
