كتب- أحمد عبد العليم
فتحت الفنانة والإعلامي سارة نخلة النار على كزبرة مطرب المهرجانات، وذلك بعد استعانته بصورة العالم أحمد في أغنيته “عليا الطلاق”، خلال برنامجها “فيس أوف” عبر شاشة قناة “هي”.
وقالت سارة نخلة: “ان كزبرة يجيب صورة للعالم الكبير أحمد زويل ويحطها في فيديو كليب اسمه عليا الطلاق أية علاقته بعالم كبير زي أحمد زويل لية يعمل كدة”
وتابعت: “الإهانه اللي حصلت دي حصلت لشخص قدم كتير اوي للعلم احنا بنتكلم عن عالم غير عادى في مناطق وشوارع وجامعات باسمه اتعملت باسمه فيمنفعش شخص يعمل أغنية مهرجانات يجيب رجل قيمه وقامه كبيرة وتحط صورته جوه الكليب أو أنك تيجي جنب اسم حد قدم كتير للعالم كله مش بس مصر والوطن العربي بس”.
وأضافت: “لية مطربين المهرجانات الشعبية زي شكوش وحمو بيكا ليه مصممين يسموا نفسهم بلاسامي خضار وفاكهة فيه عنبه وكزبرة في حاجات غريبة كنت فاكرة أنهم في الأول بيتريقوا على نفسهم بس طلع دة حقيقي”.
ويعد برنامج “FACE OFF” من تقديم الإعلامية سارة نخلة على شاشة قناة “هي” يوميًا من السبت إلى الأثنين وتستضيف من خلاله عددا من نجوم الفن وتناقش القضايا المطروحة يوميًا بين الجمهور.
