كتب_ أحمد عبد العليم
نشرت الفنانة سارة عبد الرحمن، اليوم الاثنين، صورة جديدة لها بصحبة الفنانة الراحلة دلال عبد العزيز، على حسابها الرسمي بموقع الفيديوهات والصور إنستجرام
وكتبت سارة عبد الرحمن: “يمكن لو كتبت استوعب؟ ماعرفش بس أما بفكر أكتب بحس أن مفيش كلام يكفي.. عشان أكون صريحة البداية ماكنتش حب من أول نظرة خالص.. أخدنا شوية وقت وكام موقف كده عشان نحب بعض، وشوية وقت كمان عشان نكون أصحاب”.
أضافت: “بس بعديها عرفت يعني إيه صداقة ويعني إيه ضهر ويعني إيه لذاذة وضحك ويعني إيه بركة ويعني إيه تواضع ويعني إيه طيبة نقية كده من غير أي حاجة.. كل ده كوم والحاجات اللي اتعلمتها في الشغل اللي هتفضل حلقة في ودني كوم تاني”.
تابعت: “بكتب وبرضو مش قادرة لسه أصدق وعمالة أسمعك وأنتي بتقوليلي (يالا يا نصابة).. ديدي، أنا بحمد ربنا أني عرفت ملاك زيك وعمري ما هنساكي أبدا عشان أنتي ماتتنسيش.. وحشتيني أكتر مانتي كنتي أصلا وحشاني.. بحبك
https://www.instagram.com/p/CTK6siuMCGe/?utm_medium=copy_link
