كتب _ أحمد عبد العليم
كشفت الفنانة زينة عن سبب رفض والديها دخولها المجال الفني، موضحة أنها بدأت عملها كمذيعة في بداية الأمر، بعد أن وافقت والدتها، ولكن لم تستمر.
وقالت زينة خلال استضتفتها في برنامج مساء دي أم سي والتي تقدمه الإعلامية إيمان الحصري: اشتغلت مذيعة شهرين أو تلاتة شهور بناء على رغبة والدتي، لأن فكرة المذيعة هلبس بدل حلوة وشيك ولذيذة.
وكشفت زينة أن والدتها كانت ترفض دخولها مجال التمثيل وأوضحت: مامتي كانت رافضة نهائي أني أشتغل ممثلة وضغطت عليا لحد ما شيلت جوايا وانفجرت.
وأضافت زينة: لما بلاقي حد من صحابي ولادهم عاوزين يمثلوا وهما مش عاوزين بقول لهم سيبوهم دلوقتي يعملوا التجربة بجد علشان ما تفضلش جواهم وعاوزين يحققوها لما يكبروا.
وتابعت: سيبوهم هيزهقوا ويتعبوا ويطلعوا الطاقة اللي جواهم وممكن ينجحوا لأن الفن شغلانة كويسة جدا ومش عيب، واللي بيقولوا كده هما نفسهم بيتفرجوا علينا وبيجروا يتصوروا معانا.
واستكملت زينة: أنا شوفت جنازات الفنانين الجمهور العادي بيمشوا فيها، وكفاية أن لو أسرة مات فيها حد الحد ده يدعوا له الأسرة فقط لكن لو فنان ناس بتحبه هتلاقي ناس كتير بتدعي له خاصة لو فنان متفاني في عمله، لأن فيه طفرات من الفنانين زي فنان يكون مصدق أوي وبيعمل حبه بصدق وتفاني ومش بياخد غير حب الناس.
