كتب – محمد خضير
طرحت الفنانة ريهام حجاج عير حسابها الشخصي على فيسبوك سؤالا لمتابعيها حول الخناقات يوميا علي إيه؟
وفي ذات الوقت أجابت ريهام على اسباب الاختلاف التي تتمحور في الخناقات علي اختلافنا مثلا وقالت.. تخيلوا إن الناس بتتخانق طول الوقت عشان مش متقبلين فكرة أنهم مختلفين عن بعض…
ربنا خلق تريليووون بني آدم علي الكرة الأرضية مافيش واحد بصمة إيده زي التاني…
ربنا قاصد يخلقنا مختلفين في الجنسية و اللغة و الثقافة و التربية و الآراء و المعتقدات و الشكل
واشارت الي اختلاف الأذواق في الملابس والاكل والشرب حتى اللون والشكل الي جانب مقاييس الجمال بتختلف من واحد لواحد و من بلد لبلد
أكيد ربنا له حكمة احنا مش عارفينها بس الأكيد إنها رحمة منه علينا
مثال بسيط…لو كلنا بنحب و نكره نفس الأكل اكيد حاتحصل مجاعة اقبلوا اختلافنا
لو ذوقي مش زي ذوقك أو رأيي مش زي رأيك مش معناه إن حد فينا وحش
النقاش مش بالشتايم او بالإساءة أو برمى الإتهامات بالباطل أو بإصدار أحكام خاطئة على بعض
اللى بقينا بنشوفه دلوقتى للأسف لا بيعبر عن أخلاقنا ولا عن الأديان السماوية جميعها
يا رب نقبل بعض حتي لو مش شبه بعض.
و اختتمت ريهام بقول ان كل شخص حر في ذوقة و رأيه و حياته و قراراته و عقيدته طالما مش بيضر حد.
