كتب- أحمد عبد العليم
كشفت الفنانة الشابة رنا رئيس عن أجرها في برنامج رامز نيفر إند مع الفنان رامز جلال، وقالت في أحد البرامج التلفزيونية: أخدت أخدت الأجر اللي استحقه.
وتابعت: مكنتش أعرف أنه مقلب ومشكتش للحظة، الموضوع كان طبيعي، روحت لتصوير برنامج في مطعم وكل حاجة كانت ماشية بشكل طبيعي.
واضافت: أول سؤال سألته كان عن حزام الأمان في الكرسي حسيت بالقلق والخوف، ولما بدأ المقلب وشوفت النار غمضت عيني وحسيت بالخوف ومشوفتش رامز جلال لما خلع الماسك اللي كان لابسه.
واستطردت: كنت مرعوبة من النار وغمضت عيني وبدأت اتشاهد حسيت أني هموت والعة وطايرة، واتفاجئت أنه رامز لأني مشفتش لما شال الماسك واتخضيت.
واختتمت: مكنش عندي أي مشكلة أني أمسك الثعبان لكني انزعجت لما قربه من وشي، وبعد ما خلصنا رامز جلال فضل يقولي أنا قد أبوكي بلاش ضرب أو شتيمة.
