كتب- أحمد عبد العليم
أوضحت الفنانة ثراء جبيل، عن تفاصيل تعرضها للتحرش على يد طبيب.
وحكت ثراء جبيل أن هذه الواقعة حدثت عام 2014 على يد طبيب طوارئ في مستشفى وقالت خلال لقائها في برنامج “نص الكلام” من تقديم راغدة شلهوب عبر قناة “النهار”: كان عندي تجربة سيئة مع التحرش كان دكتور، كان عندي بروفات مسرحية في الهرم وكنت تعبانة وسخنة جدا، وزملائي أخدوني لمستشفى كان معايا زميلتي والأولاد زملائي استنوني برا.
وتابعت: دخلت أوضة الكشف مكنش في ممرضة، والدكتور ربنا يسامحة تحرش بيا وحبسناه، المفروض حدود كشفه معروفه لحد بيشتكي من ألم في الصدر والزور وسخونية، والكشف خرج برا الحدود دي تماما ومن كتر الصدمة مكنتش قادرة أتكلم حاجة غير أخلاقية، ولما خرج يجيب حاجة حكيت للبنت اللي معايا ومسكتتش وزعقت ليه وزملائي سمعوا كلموا ناس وبهدلناه ومستقبله راح.
وأكملت: فضل يدافع عن نفسه وقال أنه معملش حاجة، أنا مش هتبلى عليه والموضوع كان واضح أنا كنت واعية وفاهمة إيه اللي بيحصل، كان في حاجة غلط بيعملها واستمرت مدة الكشف وهي 5 دقايق، شعرت بالانتهاك والظلم والصدمة لأنه دكتور وفي ميثاق شرف.
