كتب- أحمد عبد العليم
نشر الفنان تامر حسني، اليوم الثلاثاء، بوست جديد له، على حسابه الرسمي بموقع التواصل الاجتماعي “فيس بوك”.
وكتب تامر حسني: ” تصويت و جوائز الجمهور و ردود افعالهم في الشارع هي اهم انواع الجوائز بشكر جماهير كل الجهات المحترمه زي اي تي بالعربي و عرب وود و وشوشه لحصولي على افضل ممثل لهذا العام ٢٠٢١ عن دوري في فيلم (مش انا ) و حصولي ايضاً على افضل فيلم ( مش انا ) جميعنا كنا في انتظار تقديركم الشخصي لمجهود كل شخص فينا تعب في الفيلم دا و فرحتي بتتضاعف لأني اول مره آخد جايزة أحسن فيلم في حياتي يكون فيلم قصة و سيناريو و حوار تامرحسني .
وأضاف: و من أهم الرسايل اللي كان نفسي اوصلها لجمهورنا الكريم
ان المريض الحقيقي هو اللي معندوش طموح و إن الإنسان يقدر يوصل لحلمه رغم اي ظروف و ينفع يصنع حلم جديد يكون هو اول حد فكر فيه واثق ان الجمله دي في كتير محتاجين لها و حالاً حاسين ان الكلام ليهم ايوا ليكم🤝.. شكراً جمهورنا المحترم شكراً زوجتي حبيبتي بسمه على دعمك طول السنه شكراً لكل فرد في أسرتي و جميع افراد الشركه اخواتي حبايب قلبي شكراً اخي حسام حسني اول انتاج ليك انتاج يشرف و محترم و بيقول رساله و حقق أعلى ايراد فيلم مصري في تاريخ السينما العربيه و دا كان تحدي بينا يا حس انه يبقى فيلم راقي و محترم و يحقق اعلى ايراد و انت كنت خايف.
واختتم: مبروك يا حبييي ليك و لكل شركاء الإنتاج أ/ احمد الدسوقي و أ/ احمد بدوي، و أ/ عمرو عاكف و افراد شركته المميزين و طبعاً مخرجتنا الجميله الرائعه أ/ ساره وفيق عقبال القادم.
