كتب- أحمد عبد العليم
خرجت الفنانة حورية فرغلي عبر شاشة قنوات art، لأول مرة بعد عودتها إلى مصر لتكشف للجمهور تطور حالتها الصحية بعد خضوعها لـ عملية استئصال الرحم منذ أيام قليلة.
وبدأت حورية فرغلي حديثها بتوجيه الشكر لـ كل من سألوا عليها في محنتها، فقالت: أحب أطمنكم أنا رجعت من المستشفى ورجعت البيت وبقيت كويسة الحمدلله وشكرا لكل اللي سألوا عليا، شكرا لـ نجوم الزمن الجميل،صفاء أبو السعود كان نفسي أكون ضيفة في حلقاتك وصفية العمري وأشرف زكي وإلهام شاهين ومحمد رمضان ناس كتير أوي سألت عليه.
وتابعت حديثها، قائلة: أنا اتولدت برة وعيشت برة فطول عمري كنت محتاجة للحنان والحنية وده حسيته أخر أسبوع اما جالي ورم في الرحم، وأنا مش هيبقى عندي اي أطفال خلاص بس ولاد اخواتي هما هما ولادي وأي طفل هشوفه هعتبره ابني.
واستكملت: عايزة أقولكم تليفوني مبطلش رن من ناس معرفهاش، وكمية الدعاء والحب مخلتنيش مصدقة نفسي وده حصل في الغريب مش من القريب، ولقيت 40 نفر دخلوا عليا من اللي ساكنين في العماير اللي حوليا بالشيكولاتة وغيره، الحاجات دي خلتني عايزة أقف على رجلي وهرجع أعمل أعمال تاني أحلى من الاول مش هتسمعوا عني أي حاجة وحشة تاني خالص.
وكانت قد خضعت حورية فرغلي لـ عملية جراحية في الرحم ، وذلك في مساء يوم الخميس الموافق 6 من شهر يوليو، مشيرة إلى أنها تشعر بحالة إعياء شديد، واكدت حورية فرغلي أن عملية استئصال الرحم الذي خضعت لها هي بمثابة عودة جديدة لها، موضحة: أنا اتولدت من جديد، وحالتي تتحسن مع الوقت وسأعود لجمهوري قريبا.
وفي أول تعليق لها، قالت حورية فرغلي: كان نفسى أخلف لكن الحمد لله أنا لسه واقفة على رجلى والحمد لله هرجع للفن تانى وبقول للناس اللى بتدعيلى لو كنت كويسة ده بسبب دعاكم، الدكتور شال كل حاجة.
