كتب- أحمد عبد العليم
شارك مطرب المهرجانات حمو بيكا، جمهوره بصورة جديدة تجمعه مع رجل الأعمال أحمد أبو هشيمة، مشيرًا إلى أنه سعيد بتلك المقابلة.
وكتب حمو بيكا، منشورًا عبر حسابه الشخصي بموقع التواصل الاجتماعي فيسبوك، حيث قال: اتشرفت جدًا إني قابلت صديقي رجل الأعمال الناجح أحمد أبو هشيمة.. حقيقي الناس على السوشيال ميديا بتكون حاجة، ولما تقابل الشخص في الحقيقة بيكون حاجة تانية خالص.
وكانت نقابة المهن الموسيقية برئاسة الفنان مصطفى كامل، أصدرت قرارا بإيقاف كل من الفنان عمر كمال ومؤدي المهرجانات حمو بيكا عن العمل لمدة أسبوع بداية من 3 سبتمبر المقبل، وتغريم كل منهما 50 ألف جنيه، بعد استبدال أغنية أنتِ معلمة إلى أنتِ معفنة.
وطالب حمو بيكا بفرض قانون لمحاسبة كل من يسيء إلى سمعة مصر، خاصة بعد الجدل المثار عبر مواقع التواصل الاجتماعي، بسبب أسعار الساحل الشمالي، حيث قال حمو بيكا خلال حواره مع الإعلامية بسمة وهبة مقدمة برنامج 90 دقيقة: فيه ناس بتسيء لصورة مصر بطريقة وحشة، أنا بنزل كل الدول، ومش بنسمع حد بيقول حاجة على بلده عشان فيه قانون.
وأردف حمو بيكا: والقانون ده لازم يتطبق على الناس اللي ملهاش أي عازة وبتسيء لمصر، لازم اللي يتكلم عن مصر يتحاسب قدام العالم، عشان محدش يقول حاجة على مصر بعد كدا.
