كتبت أميرة السمان
شارك المطرب رامي جمال جمهوره ومتابعيه عبر صفحته الرسمية على موقع التواصل الإجتماعي “فيس بوك” اليوم الثلاثاء منشور جديد.
وكتب رامي جمال عبر منشوره الأتي مستنيكم في حفلة العيد مع أخواتي النجوم بهاء سلطان وأحمد سعد الساعه 5 مساءً .
وكان النجم رامى جمال نشر فيديو عبر حسابه الرسمي على موقع تبادل الصور والفيديوهات “إنستجرام”، يتحدث فيه عن مرض “البهاق”، الذي أصابه منذ فترة، موضحًا أنه يتلقى كل يوم اكثر من رسالة عن البهاق، قائلا: “أنا مش بحب أتكلم في حاجة غير الفن، بس بتوصلني أسئلة كتير جدًا عن علاج البهاق، ودائمًا أرد عليهم في الرسائل الخاصة، أنا لم أعالج البهاق، ولكن أنا اتعالجت نفسيًا منه بدعمكم ليا”.
وتابع رامي جمال “عشان الناس اللي بتسالني وبتقولي البهاق فين وخفيت ازاي أنا عايز أقول إني مخفتش وأهو البهاق في ايدي أهو وجنب شفايفي وجنب عيني وفي كل جسمي، انا الأول لما كنت بشوف نقطه كنت براقبها وكنت بزعل أوي دلوقتي بحس إنها ميزه لإنها خلتني أشوف حب الناس ودعمهم ليا متابعا “الحاجه اللي بصور الفيديو عشانها اني عايز اقول لكل ام ابنها عنده بهاق هو معندهوش مشكله بس انتي لازم تربيه انه ولد عنده ميزه ربنا ميزه بيها والميزه دي حاولي تقنعي كل اللي حواليه بيها”.
وأوضح المطرب رامي جمال “انا مغني والشكل جزء من شغلي بس بسببكوا بقيت شايف إنها ميزه أنا لما كنت بصور بوستر البومي اللي هينزل المصور بتاعي بيقولي ايدك فيها حته باينه قولتله سيبها لانه ده مش عيب وإللي شايف ده عيب ميهمناش إحنا يهمنا التلاتة اربعة إللي حوالينا وبيحبونا مضيفا “البنت إللي بتقول أنا عندي بهاق وداخلة على خطوبة أو جواز وخايفة عريسي يسيبني أنا أهو بقولك متكمليش معاه لو مش قابلك لأنه مشاكل الدنيا أكبر بكتير من شوية ألوان في جسمك أنا بقولك متتجوزيهوش لأنك مميزة مفيش عندك مشكلة وممكن اقولك انه بياض قلبك بأن على جسمك.
وفي نهاية حديثة وجه لمصابي البهاق نصيحة قال فيها “حبوا نعم ربنا، الألوان دي انتوا مميزين بيها والله اللي عنده بها”.
