تصدرت الفنانة نادية الجندي محركات البحث، بعد ظهورها امس في برنامج “لايف من الدوبلكس” مع أبلة فاهيتا، الذي تقدمة الدمية الشهيرة، امتازت الحلقة بالجرأة و خفة الدم بين نادية الجندي و ابلة فاهيتا، و إليكم أبرز التصريحات لنجمة الجماهير:
– أكثر أغنية مهرجانات بحبها هي :”بنت الجيران” وحتى كنت بسمعها وأنا في باريس، و الأجانب كمان كانوا بيغنوها.
– أنا ست بيت شاطرة وبحب الطبخ والمطبخ وشاطرة فيه.
– كان في واحد معجب بيا مجنون بجد بيقف ليا تحت البيت وبيقول عاوز أشوفها ولما الناس تمنعه بيقلع هدومه في الشارع لغاية لما جابوله البوليس”.
– من الممكن أن أتزوج بشخص عمره أصغر مني، “الحب ميعرفش سن”
– هناك علاقة صداقة بينى وبين طليقى المنتج محمد مختار؛ لأن فيه بينا عشرة وذكريات جميلة والناس الأصيلة هي اللى بتحافظ على العلاقة دى، وكمان إحنا عملنا أحلى أفلام في صناع السينما المصرية.
– مفيش حد يقدر يعمل قصة حياتى وده ثقة بالنفس مش غرور.
– العمر بالنسبة ليا مجرد رقم بس في الورق، أنا بحب شغلى جدا ودايما بحافظ على رشاقتى وبعمل رياضة ولياقة بدنية عشان بعمل أدوار أكشن، ولازم أصحى بدرى وبحافظ على جسمى ومش بدخن، وحارمة نفسى من الأكل الحلو.
– لا يوجد تنافس بشكل مباشر بيني وبين الفنانة نبيلة عبيد لأن لها اسلوبها الخاص ولي اسلوبي الخاص.
– مكتتش شايفة رشدي اباظة فى أول ادوارى بفيلم صغيرة على الحب وانا بمثل وكنت شايفة نفسي وادائي فقط
– هناك الكثير من الفنانات حاربوني خلال مشواري الفنى منذ البداية وحتى الآن.
