كتبت- دعاء رسلان
أصبح الاعتماد على أسلوب الشغب واستخدام القوة البدنية، هو الدليل لدى بعض الفتيات على رجولة الشباب، ولعل أبرز مثال على ذلك، هو رسالة فتاة على جروبات الفتيات على موقع التواصل الاجتماعي “فيس بوك”، التي أثارت الجدل على السوشيال ميديا.
في الرسالة تقول الفتاة: “أنا كذا مرة أبقى ماشية مع خطيبي أو قاعدين في مكان وحد يبصلي أو حتى يعاكس وهو يعمل أنه مش واخد باله أو أنه مسمعش حاجه ده كده عادي ولا هو بارد ومعندوش نخوة.. وأنا مره صاحبتي حكتلي على موقف زي ده وخطيبها مسكتش وقام اتخانق وزعق فكنت عاوزه أعرف إزاي الرجالة بتتعامل، وتصرف خطيبي ده سببه إيه ولا هو ده العادي دلوقتي؟”.
بين الجدل والغضب، أنهالت التعليقات من الفتيات على رسالة الفتاة، حيث كتبت عبير عاطف، إحدى رواد “فيس بوك”: “يمكن مش عايز يعمل مشاكل وانتي معاه”.
وتساءلت رانيا إبراهيم: “وهو المفروض يتخانق ويلم عليكم الناس؟..
المهم نصيحة مني متقارنيش نفسك بصحبتك فأي موقف مش ده بس”.
كما علقت أمينة محمد: “ما يمكن يكون مش واخد باله فعلا
وانتي هتفرحي لو خد باله واتخانق وحصل مشكلة جامدة وانتي معاه وتتبهدلي ولا مات فيها عشان يثبت رجولته”.
وكتبت صابرين: “بصى هو مش هيمشى يخانق مع كل اللى يقابله يعنى الا لو بيعاكس ده مستفز وتقل في المعاكسة شويه مينفعش يسكت طبعا.. لكن لو حد بص وهكذا أكيد مش هيتخانق معاهم كلهم يعني”.
وعلقت روقة محمود: “بصى متقارنيش حياتك بحد وانتي هتبقي كويسة لأن من الصح أصلا إن ميعملش مشاكل وإنتي معاه”.
