كتب- أحمد عبد العليم
كشفت نجمة آراب آيدول ميرنا هشام، كواليس شائعة محاولة انتحارها خلال الفترة الأخيرة وقالت نجمة آراب آيدول ميرنا هشام في فيديو تم بثه علي موقع التواصل الاجتماعي فيس بوك :أنا بطمن الناس عليا الحمد لله أنا كويسة وبخير .
وأضافت ميرنا هشام: «أنا منتحرتش خالص وعمري ما أفكر أعمل حاجة زي كده نهائي،ومعرفش ده حصل إزاي فعلًا، كل الحكاية إني بقالي فترة كبيرة مش موجودة ومختفية كليًا من الحياة والسوشيال ميديا لأني مش في أحسن حالة نفسيًا، ومبحبش حد يشوف ده فيا »
وتابعت: غصب عني زي الناس ما بتمر بأزمات نفسية كبيرة جدًا، ومش قادرة تتعامل مع أشخاص فلازم تاخد راحة، أنا مريت بحاجات شخصية في حياتي وهي اللي تعبتني أكتر، أنا فعلًا تعبت وروحت المستشفى بس لما تصل إلى درجة الانتحار والمواضيع دية تعبتني زيادة».
وواصلت: «والله ما عارفة أقولكوا إيه، وأنا خلال الفترة دية مش أحسن حاجة في حياتي وأنا بخير وأدعولي وربنا يحمي الجميع وميحطش حد في ضيقة نهائي».
