وجهت عبير أحمد، مؤسس اتحاد أمهات مصر للنهوض بالتعليم ، وإئتلاف أولياء أمور المدارس الخاصة ، سؤال إلي أولياء الأمور من الأمهات قائلة :” يا تري الأمهات لسه بتذاكر وبتراجع لولادها؟، كلمونا عن يومكم بيكون إزاي من أول خروجهم من المدرسة”.
وطالبت الأمهات بالتركيز مع أبنائهم خاصة بالمراحل الأولي، نظرا لحساسية وأهمية هذه المراحل في تأسيس الطفل والتلميذ، مؤكدة أن المراحل الأولي هي التي يعتمد عليها الطفل عند التحاقه بباقي المراحل حتي الجامعة.
ورصد موقع “الموقع”، تفاعل أولياء الأمور من الأمهات علي المنشور، علي صفحة إتحاد أمهات مصر في الفيسبوك، حيث قالت ولي أمر: “بنذاكر وبنراجع واللى بيقف معنا بنسمع فيديو عن شرحه ونرجع نشرحوا تانى معتمدين علينا اعتماد كبير”.
وأضافت أخرى : “اليوم بيعدي بسرعة جدا ومش بنلحق نذاكر كله بنحاول علي اد ما نقدر الأول نخلص واجبات المدرسة والمذاكرة لأن الكويزات عندنا بدأت ربنا يعينا ويعين كل أم”.
وذكرت ولي أمر أخرى: “اليوم بيكون مشحون أول ما بيرجعوا ياخدوا شاور ويتغدوا وساعات يريحوا ساعة وساعات لا ونبتدي الكفاح ما بين هوم وورك وحفظ وحل شيتات ونراجع علي القديم وتحضير الجدول وبيكون اليوم خلص وإحنا خلصنا ونام علشان نصحي بدري تاني يوم”.
وتابعت أخري: “في راحة أولا بعد المدرسة وبعد كدا متابعة لما أخذ بالمدرسة ومذاكرة البيت وربنا معانا بجد”، واستكملت أخري: “آه طبعا، وفى مواد انا إللى بديهالهم مش بياخدو فيها دروس ويومنا زى أى يوم قبل كورونا”.
وقالت ولي أمر: “بنذاكر معاهم طبعا وطول اليوم مذاكرة واليوم كمان مش بيكفى، الله المستعان”، وأضافت ولي أمر أخري: “بنذاكر من بعد ما بيرجعوا من المدرسة وبنام ساعة ونصحى نتغدى ونكمل مراجعه واليوم بيجرى بسرعه جدا”.
وأوضحت ولي أمر: “بحاول قبل ماييجوا أكون مخلصه الأكل وشغل البيت وأول مابيوصلوا بالسلامه بيتغدوا وبعدين نعمل واجباتهم وربنا يعينا ويجعلها سنة سعيده يارب”.
