كتبت أميرة السمان
أكد محمود المهدي، أنه اتفق مع الفنانة منه عرفه قبل زواجهما على الشروط التي يقبل بها لكي تستمر في مجال الفن وهي نفس الشروط التي وضعتها لنفسها، قائلا: “من قبل اتفاقي مع منه على شروط التمثيل هي اصلا عندها الشروط دي واللي حصل أن الناس خدتها بذنب تصريحاتي”.
وأقر محمود المهدي، بأن منه عرفه حصل لها ضرر كبير بسبب تصريحاته، مضيفا: “تصريحاتي كلها أني ضد اللمس ومشاهد الاغراء وأنا عايز الناس تبص لها بصورة محترمة، وأنا راضي عن نفسي وأنا بحمي مراتي من حاجات وحشة ومنه عرفه لسه صغيرة” مضيفا “اتفاقي من الاول معاها من الاول وكنت صريح معاها ولم ابدى أى مانع في شغلها، وفى ناس وفنانات فى الوسط الفني محترمين وضد القبلات واللمس وبيمثلوا باحترام ولما أنا اتكلمت الدنيا قامت”.
وأكد الفنان محمود المهدي، أن منه عرفة لم تشتكي من أي شخص ضايقها أو حاول التحرش بها في أي عمل من أعمالها الفنية، قائلا: “منه لم تشتكي أن حد ضايقها او اتحرش بيها فى عمل من اعمالها، وهي بتتعامل بحدود مع أي حد ومقلتش الوسط الفني كله وحش وفى ناس كويسة”.
وأوضح محمود المهدي، أنه لا يختار الموضوعات الترند من أجل جذب المشاهدات، مضيفا: “أنا بتكلم إن في ناس من الوسط الفني بتطلع تتكلم باسم باقي الفنانين وأنا مش بختار الموضوعات الترند، واللي بطلع أقوله ده رد الناس وأنا قريب من الشارع وعلطول في الشارع”.
وكشف محمود المهدي، عن قيمة المؤخر الذى وقع عليه قبل الزواج من منه عرفة، قائلا: “أنا مضيت على 200 الف جنيه مؤخر وهي اللي قررت، وأنا قلت لها أنتي عايزة قد ايه وهي مرضيتش تكتب قيمة جواز، واحنا وصلنا لدرجة أننا فاهمين بعض قوي”، جاء ذلك خلال حواره ببرنامج “ضرب نار”.
