كتبت أميرة السمان
قال الرئيس عبد الفتاح السيسى: الحمد لله ربنا أزاح عنا غمة العمليات الإرهابية الإجرامية ويارب مايرجعها تاني.. ولما كنت بقابل أمهات الشهداء والمصابين عمري ماسمعت منهم كلمة تؤلمني
وأضاف السيسي خلال احتفالية إفطار الأسرة المصرية: في دول قعدت تحارب الإرهاب أكتر من ٢٠ سنة ومانجحتش.. بالنسبة لنا هي بقت صفحة وخلاص بفضل الله سبحانه وتعالى.
وأضاف الرئيس “احنا عملنا خلال السنين اللي فاتت حاجات كتير أوي في عملية البقاء والبناء اللي احنا قلنا إن احنا نحافظ على الدولة إنها متنهارش ومتضعش مننا ويبقى فيه اقتتال، وعملنا شغل على الأرض عشان تبقى معالم دولة تناسب الوقت اللي احنا موجودين فيه، النقطة اللي بذكرها دلوقتي دا جهد كبير احنا مسؤولين إن احنا نتحرك في بناء وصياغة الشخصية المصرية عشان السنين القادمة”.
وواصل: “لما بتكلم عن تعليم جيد إحنا جادين في هذا الأمر، لما بتكلم عن تأمين صحي جيد احنا جادين في هذا الأمر، مش بنقوله كلام بنطرحه ثملا يكون في برامج واضحة وقوية تحقق لنا الأهداف دي”.
ووجه الرئيس الشكر للمشاركين في حفل إفطار الأسرة المصرية قائلا: “سعيد أننا نكون مع بعض في حفل الإفطار والروح الطيبة اللى دائما تجمعنا.. كل سنة وانتم طيبين وربنا يعيد الأيام دي على مصر والمنطقة العربية والعالم كله بالخير والسلام”
ووصل قبل قليل، الرئيس عبد الفتاح السيسي إلى مقر حفل إفطار الأسرة المصرية، وسط مشاركة كافة طوائف المجتمع.
وشهد حفل إفطار الأسرة المصرية، توافد واسع لسياسيين وإعلاميين ورموز مجتمعية على حفل إفطار الأسرة المصرية.
وكان قد بدأ توافد مختلف طوائف المجتمع المصرى لحضور حفل إفطار الأسرة المصرية بحضور وتشريف الرئيس عبد الفتاح السيسى.
