كتبت أميرة السمان
قالت الفنانة انتصار، والدى حافظ للقرآن وزاهد فى الحياة وصعيدى وانا متمردة دائما، مؤكدة أن الصعايدة لديهم تفتح عقلى ونفسى غير عادى، والجدة في الصعيد بتحكم على رجالة، ولو الراجل مدايق الست يطلع عينه، والست غالية جدا هناك ولها قيمة”.
وأضافت انتصار: أن الصعايدة بيحترموا الست ولها وزن، وبيسمعوا رأى الست، واللي فرحانين بيا أهلي اللي في الصعيد.
وأوضحت أن “والدها كان متخوف في الأول من عملها ممثلة، ولما بدأ يشوف أخباري في الصحف فرح، وأمى كانت داعمة ليا ودعمها واضح عكس والدي، موقفه ودعمه مكنش واضح وسابني اتحمل اختيارى”، جاء ذلك خلال استضافتها ببرنامج “ع المسرح” الذى تقدمه الإعلامية منى عبد الوهاب، و المذاع على قناة “الحياة”.
وفي سياق متصل علقت لقاء الخميسي على أزمتها مع الفنانة انتصار قائلة: “علاقتي بانتصار كانت كويسة جدًا، بس هي بتتكلم كتير، وطول الوقت بتفتي، وقلت للناس محدش يبعتلي حاجة عن انتصار عشان هي بتقول كده طول عمرها، بتقول اصلا مكانتش لقاء الخميسي بطلة راجل وست ستات، حضرتك انا اول واحدة اتبعتلي يا مدام، وهي طول الوقت عايزة تقول انا موجودة، فا بتقول حاجات، بس أنا بعدي”.
وقالت لقاء الخميسي، خلال استضافتها ببرنامج “أسرار” مع الإعلامية أميرة بدر المذاع على قناة النهار: “انا عايشة على دور فين العيب، لو عملت دور بين 30 او 40 دور زي راجل وست ستات، يمكن عايزة تطلع تريند وانتصار نكاشة ولما بشوفها بنسلم على بعض عادي، ومش هعاتبها، لان لو عاتبتها يبقى كلامها صح، وده مش حقيقي، بس انا منجرحتش ومش فارق لي، وكلنا في مسلسل راجل وست ستات ابطال”.
