كتبت أميرة السمان
انتقدت الإعلامية بسمة وهبة، الفنانة شيرين عبدالوهاب بسبب زيارتها للمطرب اللبناني فضل شاكر، قائلة: “إيه يا شيرين، مفيش بجنيه واحد تفكير؟! مخك كان فين؟! بتدمري نفسك ليه؟! رايحة تعملي زيارة هتزعل منك شعب لبنان والشعب العربي وكل محب للبلد ومحارب للإرهاب، وجوزك حسام حبيب مفكرش لحظة يقولك لأ، ده خطر عليكِ وعلى مستقبل، مش انت مدير أعمال شيرين ومسؤول عن تصرفاتها وجدول أعمالها”.
وأضافت “وهبة”: “شيرين كانت رايحة لزياد الرحباني، كانت رايحة للقمة، انت ودتها للقاع يا حسام، انت المسئول، أنت مدير أعمالها ومسئول عن تصرفاتها، ليه يا شيرين، سبتي كل حاجة في الدنيا ورحتي تزوي فضل شاكر في المخيم”.
وتابعت، أن فضل شاكر مدان بأحكام قضائية وإرهابي في نظر القانوني: “معقول تكونوا طبيعيين انتي وحسام، انا زعلانة على شيرين وزعلانة من حسام حبيب، ازاي تسيبها تعمل كده؟! مين بيدمر شيرين، للأسف زيارة شيرين زعلتنا وزعلت اللبنانيين منها، لأن فضل شاكر مبقاش الفنان اللي بنحبه، ويده ملوثة بالدماء”.
وتابعت “أنت تدمر شيرين يا حسام، اتقبض عليها بعدما زارت فضل شاكر، وتم استجوابها وزوجها، انا زعلانة على شيرين، أنا فاقدة أعصابي لاني بحبك”.
وأضافت “وهبة”: “ليه بتدمري نفسك يا شيرين ونازلة منحنى للقاع، رغم إنك كنتِ فوق ونجمة الوطن العربي، أنا بحمل حسام حبيب مسئولية ما حدث، لأنك مسيطر عليها، وانت الوحيد اللي جنبها وماسك تليفونها وانت الوحيد اللي عايش معاها وبتسمح لها تقابل مين ومش تقابل مين”.
وتابعت الإعلامية: “في ناس كتير بتحب شيرين، هاتيلك مدير أعمال وحد يخطط لك، أنتِ أيقونة ليه بتدمري نفسك، بقيتي تنزلي وبقيتي في القاع، رغم إنك مش كده يا شيرين، عرضتِ نفسك لمسائلة قانونية وممكن تتحبسي، أنتِ فنانة كبيرة، وتقدري تجيبي 10 مدراء أعمال، الفن ضد الإرهاب، فتروحي تقعدي مع إرهابي”، جاء ذلك خلال تقديم حلقة اليوم من برنامج “90 دقيقة”، على قناة “المحور.
