كتبت أميرة عاطف
قال الفنان أحمد حلمي، خلال لقائه بالإعلامي محمود سعد، في برنامج ” سولد أوت ” : ” منى زكى قالتلى إنى مش هاينفع أعمل فيلم ” عسل أسود” ومكنتش مقتنعة عشان بطل الفيلم، اللي هو ” مصري” شخص عايش فى أمريكا لأكثر من 20 سنة، وأنا معيشتش هناك فمش هاعرف أعمله وكمان اللغة”.
وتابع أحمد حلمي: “الفيلم كان المفروض يعمله الفنان الكبير، عمر الشريف وأنا كنت هابقى موظف فى شركة، ولكن لما قرأت السيناريو قلت لخالد دياب ،إيه رأيك نخليه أكتر عن الشباب ونلقى نظرة عن الشباب اللى هاجر بره، وفكر فى الموضوع وقالى ممكن نعمل كدة وبدلنا السيناريو”.
وأضاف أحمد حلمي: “كل شيء كان يقول إنى منفعش ولا شكل ينفع ولا لغة تنفع ولا تفكير شخص يكون عايش سنين فى أمريكا، وقعدت مع واحد مصري كان عايش فى أمريكا اسمه آدم، واستعنت بيه فى قراءة السيناريو وكنت بحكيله على المواقف فى السيناريو واشوف رد فعله وموقفه إيه، لو حصل له حاجة من الموجودة فى السيناريو، وعشان كدة الفيلم بيعبر شوية عنى لإنى عيشت بره مصر فترة كبيرة بعيد عن بلدى”.
