كتب _ أحمد عبد العليم
دخل المطرب نادر أبو الليف في نوبة بكاء شديدة، بعد كشف تفاصيل إجرائه جراحة مؤخرًا، على نفقته الخاصة، دون مساعدة نقابة المهن الموسيقية له والذي ينتمي إليها.
وقال نادر أبو الليف خلال تصريحات تليفزيونية: دخلت مؤخرًا العناية المركزة وعملت جراحة ودفعت 88 ألف جنيه، ومستلفهم عشان أدفعهم للمستشفى، النقابة كانوا عايزين يدوني 15 ألف جنيه عشان أدفع تكاليف المستشفى اللي مستلفهم من صحابي، هما دول اللي انتخبناهم في المجلس، حرام عليكم، لو اتعرض عليا النهارة أي حاجة هوافق عشان أوفر الأكل للأربعة اللي في رقبتي مراتي وعيالي التلاتة.
وسبق، وكشف نادر أبو الليف عبر حسابه على فيسبوك، نجاته وأسرته من حريق سيارته، وقال: ألف حمد وشكر ليك يا رب والله ربنا نجاني أنا ومراتي وولادي الثلاثة لأن عربيتي ولعت وربنا نجانا، ودا بسبب العين والحسد والقر.. يا ناس يا شر كفاية قر والعين صابتني ورب العرش نجاني والحمد لله.
