كتب_ أحمد عبد العليم
علقت الفنانة روجينا، اليوم السبت، على الشائعات التي روجتها منصات التواصل الاجتماعي وعدد المواقع الإخبارية، بشأن وفاة الفنانة دلال عبد العزيز.
ونشرت الفنانة روجينا عبر صفحتها الرسمية بموقع الفيديوهات والصور إنستجرام، صورة لـ دلال عبد العزيز، علقت عليها قائلة: “ربنا يشفيكى ويقومك بألف سلامة ويردك لبناتك ولكل الناس اللى بتحبك وأنا واحدة منهم.. إشاعة بشعة اتقوا ربنا”.
الجدير بالذكر أن، علق الفنان حسن الرداد، على شائعة وفاة الفنانة دلال عبد العزيز، والدة زوجته الفنانة إيمي سمير غانم.
وكتب الرداد ” على حسابه الشخصي على موقع التواصل الاجتماعي “فيس بوك”،بالنسبة للمواقع الصفراء الرخيصة اللى كتبت اخبار غير صحيحة عن حماتى دلال عبد العزيز، يا ريت تحترموا نفسكم شوية. اللي بينزل اخبار غير صحيحة تخص حياة انسان عشان يعمل ترند على موقع يبقى واحد مش محترم ولا يحترم المهنة بتاعته اللي ألف باء فيها وجوب تحرى الدقة”.
وأضاف “احنا بقالنا شهور في المستشفى وكلنا متواجدين مع حماتي وقاعدين قدامها ٢٤ ساعة رامي وإيمى ودنيا وأنا وفجأة يجيلنا سيل مكالمات ورسائل من كل أهلنا وحبايبنا بيطمنوا”.
وتابع الرداد “حقيقي عايز اسأل اللى كتب الخبر لو حد فينا كان بعيد وسمع الخبر ده، حضرتك متخيل كان ممكن يحس بإيه او ممكن يحصل له ايه على ما يتأكد ان الخبر مش مظبوط؟، مش هقولك يا ريت يحصل فيك نفس الموقف عشان تعرف المصيبة اللى انت عملتها بس حقول لك حسبي الله ونعم الوكيل”.
وعبر صفحته الرسمية على فيسبوك، استكمل “ارحمونا بقى عشان الواحد قرف منكم”.
كانت شائعة وفاة الفنانة دلال عبدالعزيز خرجت قبل ساعات، ونشرتها بعض المواقع الإخبارية، وتم تداولها بشكل واسع على مواقع التواصل الاجتماعي، قبل أن يخرج وينفيها المذيع رامي رضوان زوج الفنان دنيا سمير غانم.
