كتب- أحمد عبد العليم
كشفت الفنانة بشرى مازحة عن طلبها الزواج من الفنان الشاب تيام مصطفى قمر، وذلك من خلال منشور عبر حسابها الشخصي على موقع تبادل الصور والفيديوهات إنستجرام.
ونشرت بشرى صورة لها رفقة تيام مصطفى قمر خلال خاصية استوري، وعلقت عليها: قولت لمصطفى قمر ماتجوزني تيام قالي بس أنتي كبيرة عليه.. قولت خلاص بقى استنى واجوزه لبنتي.. على رأي المثل أخطب لبنتك.
وسبق وأن كشفت الفنانة بشرى عن رأيها في توقعات الجمهور حول أحداث فيلم حريم كريم 2، وذلك من خلال لقاء لها ببرنامج عرب وود على شاشة تلفزيون قناة روتانا.
وقالت بشرى: أنا بيضحكني جدا الناس اللي هي بتتكهن وبتتوقع حاجات وهما لسه ماشفوفش الفيلم، أولًا فيه شخوص رحلت عن عالمنا فبالتالي هو ملوش دور لأنه مش عايش، وفيه شخوص الدراما بعد 18 سنة، والزمن أتغير وحال الناس اتغير طبيعي حال الدراما والقصة كمان تاخد منحة مختلفة، في الأحداث الجديدة، يعني مينفعش حد توفى نصحيه مش هينفع.
وتابعت: لما بيبقى المنتج زميل أو ممثل أو فنان بيبقى حاسس أكتر بزمايله وبيبقى هما كمان عندهم حالة من الثقة في أن البعد الفني هيبقى فيه اهتمام بيه والبعد الأخلاقي اللي ورا الكاميرا، في الكواليس يبقى فيه احترام للزمالة، وأنا بشوف أن الممثل من أكتر الي لازم يهتم أنه ينتج لما يبقى عنده فرصة.
