محافظات

نقيب التمريض عن واقعة مستشفى «قويسنا»: «الممرضات اتصعقوا واتضربوا بالكرباج»

كتبت أميرة السمان

قالت الدكتور كوثر محمود، نقيب التمريض: “منذ معرفتنا بواقعة مستشفى قويسنا، تم التواصل مع وزير الصحة على الفور وأبلغته بالواقعة، وضرورة التحرك للحفاظ على حقوق فريق التمريض الذي تم الاعتداء عليه بشكل غير اَدمي”.

وتابعت : “زيارة وزير الصحة اليوم لمستشفى قويسنا فرقت نفسيا ومعنويا مع التمريض”.

وأضافت: “مطالبنا اللى غلط يأخد عقابه، بنقول الجيش الأبيض وملائكة الرحمة، مش جزاءهم يحصل معاهم زي اللى الناس شافوه في الفيديو ويتم ضربهم بالكرباج وصعقهم بالصاعق الكهربائي”.

وتابعت: “لو مش بني اَدم ميتعملش فيه كده، رغم أنهم مقصروش مع الحالة والمريضة ومع ذلك يتم ضربهن والاعتداء عليهن بشكل غير اَدمي، ميصحش من أي حد الإعتداء على التمريض، والتعدي علي موظف أثناء تأدية عمله جريمة، ومن أخطأ يجب أن يحاسب على جريمته، وقمت بزيارة فريق التمريض ورأيت الحالة النفسية السيئة لهن بخلاف الإصابات اللاتي تعرضن لها”.

وتابعت: “أحترم بيان القوات المسلحة، وعارفة إن حق التمريض هيجيله، وأخدت التمريض النهاردة على جنب وقلت لهم قولوا ليا اللى حصل علشان لو لينا حق ناخده فعلا والله العظيم اللى حكوه هو اللي اتنشر على صفحات التواصل الاجتماعي، والبنات في منتهى الأدب والأخلاق وصغيرين ومحترمين، والغريب إنهم قالولي أن الشخص اللى اعتدى عليهم بيعمل تصرفات غريبة في محيط المستشفى، والأمن الخاص كمان اتضرب في الواقعة اثناء دفاعه عن الممرض، جاء ذلك خلال مداخلة هاتفية ببرنامج “ حضرة المواطن” .

مقالات ذات صلة

زر الذهاب إلى الأعلى