منوعات

نشوى مصطفى عن فيلم أصحاب ولا أعز:” يا ساتر هو إحنا هنفضل عالم تالت كده على طول”

كتب_ أحمد عبد العليم

نشرت الفنانة نشوى مصطفى، اليوم الأحد، بوست جديد لها، تعليقاً على فيلم أصحاب ولا أعز، على حسابها الرسمي بموقع التواصل الاجتماعي فيس بوك.

وكتبت نشوى مصطفى: هو إحنا مينفعش نختلف بصوت واطي، يعني لازم اختلافنا يبقي دوشة في كل اختلافنا في الرأي، على أي موضوع بنتحول أهلى وزمالك.

وتابعت الفنانة نشوى مصطفى: منتهي العصبية وعدم التحضر بصراحة، يا سيدنا كل حد بيكون وجهة نظره، حسب تكوينه النفسي وحسب المحيط اللي اتربى فيه وحسب قناعات دماغه، ليه عايزني أبقى نسخة منك.

وواصلت نشوى مصطفى: اعلن قناعاتك بس متزعلش مني لو أنا رأيي مختلف، اختلافنا لا هيخليك أحسن مني ولا هيخليني أحسن منك، يا ساتر هو إحنا هنفضل عالم تالت كده على طول، مينفعش نبقي على مستوى تحضر الناس اللي فوق، قولولي بقي ياترى ايه الموضوع الجديد اللي هنتخانق عليه، الخناقة اللي فاتت التلات أيام بتوعها خلصوا.

ومنذ اليوم الأول لعرض فيلم أصحاب ولا أعز على منصة نتفليكس، وهو يتعرض لهجوم كبير وانتقاد شديد اللهجة، مما أدى إلى رفع دعوى لوقف عرض الفيلم إلى البرلمان المصري، بتهمة التحريض على الفسق والفجور ونشر قيم تخالف آداب المجتمع، كما توجهت الاتهامات والانتقادات بكثرة إلى الفنانة منى زكي لقيامها بمشهد جرئ خلال أحداث الفيلم، وهو خلع ملابسها الداخلية.

مقالات ذات صلة

زر الذهاب إلى الأعلى