نزار سامي يواصل لـ«الموقع» كتابة «المكنز» ..مينتال فليكسبيليتي .. مينتال شيفتنج

كلام كبير جدا .. مينتال فليكسبيليتي .. مينتال شيفتنج .. ايه يا سيدي الكلام ده .. فعلا كلام كبير .. اهلا بيكم عزائي وفكر جديد ومعلومات جديدة وخبرات جديدة بتتضاف لينا كلنا .. مينتال فليكسبيليتي .. مينتال شيفتنج .. يالا بينا

حقيقي الأسبوع مليان مليان احداث .. الواحد مش عارف يبتدي من اوله ولا من اخره ولا من نصه .. حتى اختيار عنوان النهارده قصة في حد ذاته ..

نبتدي الأول بي المينتال فليكسبيليتي .. مينتال شيفتنج .. حقيقي الفضل يرجع لاستاذي العزيز دكتور عمرو سليمان .. أستاذ علوم الاعصاب المعرفية .. ايوه هوه .. اللي دايما بيقول احنا مش قوليليين .. اديكم لمحة سريعة بس علشان تعرفوا اننا من قوليليين .. دكتور عمرو سليمان هو المصري الوحيد اللي تم دعوته في منتدى حوار ونقاش جايزة نوبل للعام التاني على التوالي .. امبارح كان مشارك في الفعاليات دي كأحد اهم 38 شخصية على مستوى العالم في مجال علوم العصاب المعرفية والمنتال هيلث .. دكتور عمرو كان بيلقي كلمة اول الأسبوع واتكلم عن وظايف المخ وان كل حاجة احنا بنعملها هي وظيفة من وظايف المخ .. ليها قوة .. ممكن تكبر .. ممكن تقل .. ومن الوظايف دي المينتال فليكسبيليتي .. مينتال شيفتنج .. يعني من الاخر كده هل عندنا القدرة على التأقلم والتفاعل والاستجابة والرشاقة في التفكير والأداء ولا احنا جثث!!!

طبعا ياريت اصدقاءنا بتوع الموارد البشرية وما شابه .. لما ياخدوا الكلمتين دول يقرؤا عنهم وماينسوش انهم ينسبوا الفضل في المعرفة لاهله … اصل كله بيبان .. حانلاقي مصر كلها حاتتكلم عن المينتال فليكسبيليتي والمينتال شيفتنج بمناسبة قرب 2022 .. بس الظريف ان المفتاح مش مع أي حد .. صبح صبح يا عم الحاج ?

بصوا بقى .. حانبتدي من النهارده واحنا وحظنا .. النهارده 10 ديسمبر هوه اليوم العالمي لحقوق الانسان والسنة دي بعنوان “المساواة – الحد من التفاوتات والدفع قدما بإعمال حقوق الانسان” .. يعني من الاخر عدم التمييز .. هايل جدا .. وشوفنا وسمعنا الاستراتيجية الوطنية لحقوق الانسان اللي اطلها سيادة الرئيس يوم 9 سبتمر اللي فات .. وحق من حقوق الانسان الاصيله هي التعليم .. ومن هنا كان منتدى التعليم العالي والبحث العلمي اللي في العاصمة الإدارية وبمشاركة جامعات وعلماء دوليين وفي بعضنا تابع الجلسة الافتتاحية وتعليق سيادة الرئيس للدول المتقدمة انه حتمية نقل العلوم والتكنولوجيا .. وسمعنا على المنحة اللي مصر بتيدها للموهوبين على مستوى العالم .. مش بس كده .. سمعنا مناقشات وحوارات عن دور الجامعات الريادية ودور الابتكار وريادة الاعمال … يالا بقى من وسع .. طبعا الدعوة مفتوحة للجميع للاستثمار في التعليم .. لسه قدامنا 50 جامعة لازم تفتح في مصر … الابتكار وريادة الاعمال جايين بقوة .. يالا استعدوا

مينتال فليكسبيليتي .. مينتال شيفتنج .. تغيير الصورة الذهنية للناس عن كل حاجة وإعادة بناء الانسان المصري ومش بس كده .. بناء الجمهورية الجديدة

امبارح كان اليوم الخميس 9 ديسمبر .. مليان حاجات .. أولا .. اليوم العالمي لمكافحة الفساد .. وطبعا في الاستراتيجية الوطنية لمكافحة الفساد .. حاجة متميزة جدا ومجهود رهيب قام بيه ابطال الرقابة الإدارية .. وكمان في الاكاديمية الوطنية لمكافحة الفساد عندها برامج رائعة وتدريبات متميزة .. طبعا لو بنتكلم على الفساد فا هنا بيجي دور الابتكار والتحول الرقمي بقوة .. افصل يا بيه بين اللي بيطلب الخدمة واللي بيقدم الخدمة .. بااااااااااااس نسبة كبيرة من الفساد حاتختفي … يالا شدوا حيلكم

الخميس برضه كان في ليا لقاء مع الإعلامية اية عبد الرحمن وكنا بنتكلم عن وظائف المستقبل ودور التكنولوجيا والرقمية والناس تعمل ايه وتتصرف ازاي ومن هنا روحت قايل كلمة المينتال فليكسبيليتي والمينتال شيفتنج وان ده اللي المفروض يتعمل علشان نلاحق التطور التكنولوجي .. وحقيقي أية سألت سؤال في الجون .. اللي مش تخصصه تكنولوجيا يعمل ايه .. الله عليكي .. عايزين تعرفوا الإجابة؟ تابعوا اللقاء

مينتال فليكسبيليتي .. مينتال شيفتنج نفس اليوم كان في حفلة تخرج ماجستير إدارة الاعمال الحكومية اللي هي تبع المبادرة الوطنية لتأهيل واعداد القيادات الحكومية المستقبلية للمناصب القيادية للوزارات .. حقيقي كان احتفال اكتر من رائع .. جامعة اسلسكا … اتعملت الحفلة في قصر القبة .. الشياكة كلها .. اتخرج 404 خريج وطبعا حضر الحفل الدكتورة هالة السعيد والدكتور اشرف صبحي والدكتور صالح الشيخ .. وكل واحد منهم كان بيتكلم بصورة او بأخرى عن المينتال فليكسبيليتي وخصوصا باستخدام التكنولوجيا .. شكرا فريق عمل جامعة اسلسكا بقيادة دكتور على المليجي والدكتورة نادية العارف وكل فريق العمل الرائع

نقول كمان مينتال فليكسبيليتي .. مينتال شيفتنج ولا كفاية كدة .. صديقتي العزيزة دكتورة غادة البدوي كانت بتحضر منتدي التعليم العالي وقالتلي على محاضرة روعة كانوا بيتكلموا فيها عن مراحل التطور بتاعت المواد التعليمية والتخصصات في الجامعة وانها اتحولت من المالتي دسيبلناري الى الانتر دسيبلناري والجديد بقى هوه الترانس دسيبلناري .. يعني ايه؟ يعني ببساطة كل البرامج التعليمية دلوقتي فيها العلوم والاداب والمعارف بقت سايحه على بعض ومسمعة في بعض … يا سيدي على المينتال فليكسبيليتي .. مينتال شيفتنج

اليوم اللي قبله .. الأربعاء يوم 8 ديسمبر .. كان عندي لقاء مع الدكتورة تغريد حسين رئيسة قناة النايل تي في .. وكان اللقاء عن التكنولوجيا والاستعداد الرقمي وان ازاي التعليم في صورته الجديدة يستفيد من كل ده .. ويعني ايه ثورة صناعية رابعة وخامسة واحنا فين على الخريطة .. كله بيدور حولين المينتال فليكسبيليتي .. مينتال شيفتنج ..

طبعا اكيد في وسط كل الحاجات الحلوة لازم تظهر قلة الأصل عادي جدا من ناس كتير حولينا .. بس نرجع ونفتكر كلمة سيادته .. كل ما يعطلوكو اشتغلو اكتر .. كل ما يحبطوكو اشتغلو اكتر .. كل ما يغلسوا عليكو اشتغلو اكتر .. ده اهم حاجة لازم رواد الاعمال يمتازو بيها .. مينتال فليكسبيليتي .. مينتال شيفتنج

مينتال فليكسبيليتي .. مينتال شيفتنج .. بعضنا تابع قادرون باختلاف … ايه الجمال والروعة دي .. ربنا يحمي كل الناس وكل بيت ويثبتهم .. ايه البراءة والحنان والرقة دي .. بجد الحمدلله على نعمة الإحساس والرضا .. في ناس معندهمش النعمة دي أصلا .. شايفيين المينتال فليكسبيليتي .. مينتال شيفتنج .. شايفيين المعنى الحقيقي لي ويبقى الأثر؟؟

فعلا .. مينتال فليكسبيليتي .. مينتال شيفتنج .. ويبقى الأثر