كتبت أميرة السمان
قالت الفنانة نجوى فؤاد:”أنا معتزلة الرقص الشرقي من 16 سنة، وإحنا للأسف مبقاش عندنا رقص شرقي في مصر واللى بنشوفه عبارة عن عري فقط من الراقصات الروسيات”.
وأضافت “فؤاد”: “السوشيال ميديا شيء يحمل فسادا كبيرا، والساحل الشمالي في بعض الأماكن منه بقى كباريه درجة تالتة، والروسيات بوظوا المصريات، وربنا قال احتشموا واحنا لينا عادات وتقاليد، والرقاصة لو محتشمتش تبقى رخيصة، للأسف كله عريان وملط ومش عارفة ليه دا احنا مصريين ولينا ديننا وتقاليدنا”.
وتابعت:”مبقاش فيه رقص شرقي في مصر ولكن فيه روسيات بيرقصوا رقص تدريبي وبيؤدوا اللي اتعلموه ومفيش الروح ولا الشرقية بتاعتنا، والعري زيادة عن اللزوم ولازم يبقى فيه رقابة شوية، جاء ذلك خلال مداخلة هاتفية ببرنامج “حضرة المواطن” الذي يقدمه الإعلامي سيد علي بقناة “الحدث اليوم”.
