كتب- أحمد عبد العليم
أعرب أحمد سعيد، نائب رئيس النادي الأهلي السابق، عن حزنه الشديد لانتقال محمد صلاح إلى الدوري السعودي.
وكتب أحمد سعيد، على حسابه الرسمي بموقع التواصل الاجتماعي فيس بوك:صلاح كان بالنسبة لي مش لعيب كورة، كان بالنسبة لي حلم، ملاذ، حاجة كده بفتكرها لما أكون مهموم.
وأضاف: هو سنا في عمر أولادي لكن كنت بحس أنه صحبي، كنت ازهقله وهو بيلعب زهيق الأب لابنه، كان لما بيجيب جون كنت بحس أن 100 مليون مصري جاب جون، تابعت الدوري الإنجليزي بسببه وحفظت اسماء اللاعبين الأجانب بسببه، كنت انتظر مباراة ليفربول اسبوع ورا اسبوع أتأكد إني أكون فاضي علشان أشوف صلاح.
وتابع: أنا متفهم الأسباب اللي خليته يسيب الدوري الانجليزي وطبعا مش مهم احساسي لأن الفلوس لما بتتكلم بصوت عالي مش بس صلاح اللي بيسمع هو وليفربول، لا ده العالم كله بيسمع.
واختتم: مفيش بايدي إلا أني اتقدم لصلاح ابننا بالشكر الوفير لانه فعلا امتعنا باللعب في أقوي دوري في العالم، وشاهدناه وهو شايل كأس دوري الأبطال، مبروك على السعودية صلاح ومبروك ضمان متابعة 100 مليون مصري للدوري السعودي، لمشاهدة ابنهم البار ولو أني مش متأكد إني حتابعه من هنا ورايح، حروح أدور على قصة نجاح جديدة لاولاد بلدي في أي مجال وواثق إني حلاقي كتير.
