كتب- أحمد عادل
كشفت الفنانة الشابة ملك أحمد زاهر عن مواصفات فتى أحلامها.
وقالت ملك أحمد زاهر في تصريحات تليفزيونية، عن مواصفات فتى أحلامها: “لازم يكون حنين أوي ورومانسي، عشان أنا طيبة ورومانسية، ويكون راجل ومسئول ومتفاهم عارف شغلي وبيشجعني فيه وأنا أشجعه في شغله”.
وأوضحت ملك أحمد زاهر أنها لا تفكر في الارتباط الآن فالأهم لديها هو عملها قائلة: “أنا مركزة في شغلي دلوقتي والحاجات دي بتكون قسمة ونصيب ومستنية يجي الشخص المناسب عشان أنا طيبة وأول ما ألاقي الشخص الكويس اللي يعاملني زي بابي هرتبط بيه”.
وكشفت ملك أحمد زاهر أنها تشبه والدتها في كل شيء سواء الشكل أو الطباع حتى أنهما نفس البرج، فيما قالت إنها تشبه والدها في العمل.
ووجهت ملك رسالة إلى والدها الفنان أحمد زاهر قائلة :”إمبارح كان عيد ميلاده وقولتوله كل سنة وانت معانا ووسطنا وأنت أحلى حاجه في حياتنا وأنت السند والظهر والأمان ربنا يحفظه لينا ويفضل ناجح دايما على طول”.
يذكر أن ملك أحمد زاهر شاركت في رمضان 2024 بمسلسل “محارب” من بطولة حسن الرداد وأحمد زاهر وناهد السباعي وماجد المصري ونرمين الفقي وتامر عبد المنعم ومحمود ياسين جونيور وملك أحمد زاهر، تأليف محمد سيد بشير وإخراج شيرين عادل وإنتاج أحمد السبكي.
