شن المستشار مرتضي منصور ، رئيس مجلس إدارة نادي الزمالك السابق، هجوماً حادا علي نجم الفريق السابق فاروق جعفر وعضو لجنة الكرة بالنادي ، حيث قال:” أولاً المنظرة اللي بيتمنظر بيها فاروق جعفر ان اللاعيبه بتأخد مستحقاتها أول بأول مع اللجنة دي .. دا عيل منافق وكداب لانه مش قادر يقول إللي قاله حسين لبيب رئيس لجنة الخراب ان الفلوس اللي جت لهم دي بصراحة بمجهود المستشار مرتضي منصور اللي كسب قضايا كتير للمحلات دي ورجعها للنادي واحنا بعنا جزء كبير منها “.
وتابع منصور في تصريحات خاصة لـ” الموقع “:” يعني لجان المنافق ده شغاله من ساعة ما احتلت النادي اما علي فرقي اللي كونتها بالتعاقد مع افضل لاعبي مصر وخارج مصر في كرة القدم واليد والسلة والطائرة والتعاقد مع أفضل مدربين لهذه اللعبات ماعد الخاين الهارب .. وأما بالخير اللي انا تركته من ثروة عقارية كانت مغتصبة وبجهدي في المحاكم استرديت حوالي 86 محلا آخرهم 12 محلا علي شارع جامعة الدول العربية كان البنك التجاري الدولي محتلهم بملاليم بالتواطؤ بين ممدوح عباس وعمرو الجنايني “.
وواصل تصريحاته لـ” الموقع ” قائلا:” وأصدرت محكمة النقض حكماً نهائياً في فبراير 2020 بإخلائهم وتسليمهم للنادي وبعد الحكم ماسلمناه المحضرين للتنفيذ اتصل به مستشار البنك واتفقنا بعد مفاوضات شاقة نترك المحلات مقابل البنك يعوض النادي ويدفع مبلغ 110 مليون جنيه ويتغير العقد عن المدة الباقية ويكون ب65 ألف جنيه للمحل الواحد بدل ألف وألفين في السنة..وبعد ماخلصنا اتفاقنا وقبل التوقيع قاموا بطرد المجلس المحترم اللي آخر ميزانية وبها وفر 52 مليونا تقريبا والسنة اللي قبلها وفر نقدي 170 مليون جنيه والسنة اللي قبلها 230 مليون مع إننا استلمنا النادي مافهوش600 جنيه والموظفين والعمال والمدربين واللاعبين ماقبضوش مليم بقالهم سنه .
وتابع المستشار مرتضي منصور : كان النادي مديون بـ 306 ملايين جنيه لمؤسسات وجهات داخلية داعيا حوالي 130 مليون جنيه للضرائب والتأمينات و260 مليون تقريباً مستحقات لاعبين مصريين وعرب وأجانب وتعويضات محكوم لهم بيها من محاكم دوليه ومصرية وقمنا بسداد كل هذه المديونيات مع وافر نقدي في الميزانيات واتعب نادي عاملي في المقر الرئيسي وعلي ضفاف النيل”.
وأوضح منصور ان القناة كانت حلم الملايين من الزملكاوية تحولت حالياً الي كابوس ، متابعاً :” وكنا ابتدينا في أرض 6 اكتوبر بعد ما أبرمنا العقد مع هيئة المجتمعات العمرانية واستصدرنا 16 رخصة بناء منهم رخصة بناء الاستاد وادخلنا المرافق من كهرباء ومياه وطردونا قبل مانكمل آخر تقرير لمراقب الحسابات المستقل عن مجلس الادارة واعتمد الوزير ومديرية الشباب والرياضة تقريره ان هذا المجلس تضاف لممتلكات النادي ثروة عقارية لم تكن موجودة من قبل تزيد قيمتها علي مليار جنيه.. دي حكومة بتهزر طبعا لما تجرأ وزيرها وادعي انه جمد المجلس ام طردة لانه عنده مخالفات مالية لا طبعا اللي فهمهم كده وضحك عليهم وضللهم بفلوس عباس والعتال هو اللي عنده تخلفات ضميرية وتخالفات عقلية”.
وتابع المستشار مرتضي منصور :” أما المدعو فاروق جعفر وقدام اسماعيل يوسف يشهد علي ذلك اني لما طلبت منه يشتغل في قناة الزمالك اشترط يأخد 450 ألف جنيه شهرياً وكان عليه قضايا بعد ماحصلت السيدة جيهان ام سيف علي حكم بحبسه 3 سنين وشهد ضده في النيابة ابنة سيف واخته وقضايا الشيكات بدون رصيد المرفوعة منها وقضية الخلع وغيرها من القضايا اللي للاسف وقفت معاه فيها مجاناً .. أما موضوع الشغل اتحايلت عليه ينزل 150 ألف جنيه من الـ 450 إللي طالبهم رفض فاخدته هو واسماعيل إلي منزل المستشار المحترم تركي آل الشيخ علشان فاروق أفندي هايموت يتعرف عليه وأقنعت الشيخ تركي يشغله بالإضافة إلي شغله في القناة واحنا في الاسانسير نازلين ومعانا ربنا شاهد واسماعيل يوسف طلبت منه يخفض أجرة في قناة الزمالك بعد ماجبت له شغلانه جديدة مع شغل القناة رفض ينزل مليم من الـ 450 ألف جنيه في الشهر وهو اللي بيقبضهم بقالوا أكتر من سنه .. آدي ابن النادي الأصيل المحترم اللي ماظهرش الا في وجودي وهو اللي تآمر مع الوزير قبل طردنا ورشح له اللجنة الأولي اللي قعد يسبح بحمدها وخفيت واتعينت اللجنة التانية واستمر في النفاق والمديح لها مع انه متأكد أنها لجنة خراب وأضيف لها لقب جديد هو لجنة العار اللي مرمطط بكرامة نادي الزمالك الأرض وجعلته مجال للسخرية” .
