كتب- أحمد عبد العليم
رد المستشار مرتضى منصور رئيس نادي الزمالك، على الاتهامات التي توجه له هو وابناءه أحمد وأمير مرتضى بتقاضي عمولات من وراء صفقات الفارس الأبيض.
وقال مرتضى منصور في فيديو تم بثه عبر قناته على اليوتيوب: “بشكر جمهور الزمالك المحترم بجد وقفوا وتصدوا لهذه المؤامره الحقيرة، والصفحات التي دعمتني بصفتي رئيس النادي، مباراة سموحه كانت عودة الروح وفيريرا”.
واضاف:”اميرعلى اتصال بالفيفا بشان ازمة القيد وبشكر هاني ابوريده، احنا اصحاب حق، والمحترم محمد ابوالوفا قال بعتنا للفيفا، اتمنى اتحاد الكره ينهي المعركه دي لان الكل خسران، احنا خسرنا في اول جوله في افريقيا”.
وشدد منصور:” نحن على تواصل مع المستشار مع محمد الماشطه النستشار القانوني لاتحاد الكرة، وهيجي رد الفيفا الولاد هيتقيدوا، والموضوع واحد في اغسطس قبل 1 سبتمبر تقيد والانتقالات الشتويه قبل 31 يناير، انت سجلت في الميعاد وفتحوا لنا السيستم”.
واردف: “اخدت الـ10 مليون في المحكمة الوزير من حقه يطلب الغاء قرار اتحاد الكرة بوقف القيد، واتمني القصه تخلص قبل الحكم المحكمة في القضية المرفوعه مننا وميبقاش في صدام دائم، اتمنى نوقف عند هذا الحد، ولو حكم المحكمةبعدم القيد سنتخذ اجراءات اخرى’.
وتابع منصور:” المشكلة مع اتحاد الكرة بدات لما قدمت شكوى ضد كهربا، الاهلي العريق معملش بيان اعتذار بسبب مافعله كهربا بعد ماتش القمه، ورغم ان احمد جمال اللي بياكل على كل الموائد كان غلط في مكالمه تليفون انا اعتذرت انه وهو كان شغال في قناة الزمالك”.
وواصل: “فوجئت ان انا متحول للجنه الانضباط وقولت ان روساء الانديه لايخضعوا لاي تحقيق وفقا للقانون”.
وزاد مرتضى:” الحمدلله اللعيبه طلعوا رجاله وشيكابالا كلم امير بسبب المستحقات، وكل مستحقاتهم هتكون بكره في حساباتهم هتفرحوا الجماهير هفرحكم، وكل الفرق الرياضيه اخدوا مستحقاتهم والموظفين”.
واستطرد: “كان في اتصال مع السفير الليبي وهيكون في لقاء معه هو وخليفه القذاقي والد زوجة امير، اللي بيقولوا بياخد عمولات اي قلة ادب واجرام، اسماعيل يوسف كلم امير يوم اخر ماتش وقاله مفيش ولا مليم والفندق مش عاوز يدخلنا راح امير بعت 250 الف جنيه، ومش عاوز اقول هو واخوه بيعملوا ايه، بدل ما ناخد عموله اخد فلوسي اللي دفعتها الـ30 مليون جنيه للزمالك”.
واكمل:” بشكر السفير الليبي وتم اتاحه فندق الاقامه مجانا وعربيات خاصه كل شئ متاح للبعثه في ليبيا، ربنا يوفق ولادنا وبقولهم ابذل كل جهدك والنهايه التوفيق بتاع ربنا لسه الدوري طويل والفرصه قائمة في بطولة افريقيا “.
واشارمرتضى:” بشكر جماهير الزمالك المحترمه لانهم رفضوا السير وارا العيال الخونه واللجان وقائد المؤامره عارف نفسه، كلمني الوزير اطمن على صحتي وهيطلعوا يشتموه اقل حاجه انه يطمن علي ماهو راح للوزير بيته”.
واختتم:” النهارده في مكاسب كسبنا سيف جعفر و110 مليون ثمن بين امام عاشور، لانه اثبت انه احسن من امام، ولاعب لسه صغير وربنا يوفق امام، سيف احسن من ابوه 100 مره، وبقوله طبطب يافاروق ع ابنك لانه مبيكلموش ولابيسانده لما بيتألق، وكان عاوزينه يمشي اعاره وانا رفضت،بقول للجمهور افرحوا وادعوا ربنا يتم شفائي”.
