كتبت أميرة السمان
فتح الإعلامي محمد موسى، النار على الفنانة سمية الخشاب، بسبب تدوينة لها عبر صفحتها بموقع التواصل الاجتماعي تويتر وتوجيهها نصائح للفتيات مدعية أن “الجواز والخلفة مش إنجاز”.
وقال موسى، “عايز أقول للحاجة سمية الست في بيت جوزها مش بتخدم الست في بيت جوزها بتكون في بيتها وهي سيدة بيتها لو أنتي مش عارفة كده اعرفي لأن كلامك ده باختصار رسالة تخريب لعقول البنات.. وحكاية أن الحب مبيأكلش عيش اللي بتقوليها للبنات.. ده كلام أجوف وكلام ممكن نقوله وإحنا بنعمل صفقة ولا مشروع استثماري مش والناس بتتجوز.
تابع، “الحقيقة العلاقة اللي انتي بتتكلمي عنها وعايزة البنات تاخد بها من خلال نصايحك اللي الناس في غني عنها دي اسمها علاقة نفعية ومادية بحته وحكاية أنك بتقولي أن الجواز والخلفة مش إنجاز .. ده رأيك في حياتك وتجاربك الشخصية فبلاش تعممي تجاربك الناجحة أوي دي علي الناس لأن الحقيقة لا أعتقد أن تجاربك ممكن تكون نموذج البنات تحتذي به… بجد ضروري الكل يروح يكشف علي صحته النفسية … بجد كفاية اللي بتعملوه في الناس والمجتمع من خلال تصدير مفاهيم غير مدروسة بتلخص تجارب فاشلة”، جاء ذلك خلال تقديم برنامج “خط أحمر” على قناة الحدث اليوم.
