كتب- أحمد عبد العليم
اشتكى الفنان فادي خفاجة، من قلة العمل والمشاركة في الأعمال، الأمر الذي جعله يدخل في جولات تيك توك من أجل منحه هدايا وأموال.
وقال فادي خفاجة، على حسابه الشخصي بتطبيق تيك توك: مين معندوش أخطاء أجدع واحد في لايف هنا لو قعد ثانية مع نفسه هيلاقي نفسه كله أخطاء.. أقرب صديق ليا هو اللي بيهاجمني البني آدم الوحيد اللي كنت منتظره في غلطي يدافع عنى ضربني في ضهري.. مهما قالوا متكلمش هتكلم عشان أقل حقوقي إني أشتغل.
ولم تكن المرة الأولى التي يشكو فيها فادي خفاجة من قلة العمل، فمنذ 3 سنوات، خرج عبر حسابه على فيسبوك، واشتكى قائلًا: يا مخرجين ومنتجين مصر، لو العبد الله بعد العمر ده كله مشتغلش في مسلسل واتنين وتلاتة، مين اللي يشتغل يا ولاد المهنة والأصول؟، ممكن أتحدى أي مخرج أو أي شركة إنتاج بكفاءتي ودراستي وعمري وخبرتي.
وتابع فادي خفاجة: والله العظيم لو قالولي بطلها لبطلها، مشكلتي إني واثق في نفسي بفضل الله، وربنا الحكم والعدل، ومطرح ما ترسي ندقلها.
