كتبت أميرة السمان
كشف المنتج أحمد الزواوي، حقيقة التصريحات المنسوبة له بأنه قام بعمل للفنانة فيفي عبده، بسبب رفضها إعطاءه مبلغ مالي أخدته منه وتسببها في خسارة له.
وقال الزواوي، “عملت عمل لفيفي عبده، عشان ليا عندها فلوس وتسببت في خسارتي”.
وأضاف: “في طرق إحنا بنستعملها لو لينا حق عند حد مش عارفين نجيبه بالأصول، وهي أمور ليها علاقة بالفلك ومش أي حد يقدر يعملها”.
وتابع: “وأنا لجأت للحاجة اللي بسميها قرصة ودن، وبأمر الله أقدر أرجعها زي ما كانت”.
وأكمل: “البداية كانت بمبلغ دفعة تعاقد على فيلم 60 ألف جنيه في 2017 قولتلها أنا عايز فلوسي بقيمة النهارده ولكن للأسف هي رافضة تدفعه، وكلمت النقابة ورفعت عليها قضية لكن معرفتش أخد حقي”، جاء ذلك في مداخلة هاتفية لبرنامج “حضرة المواطن”، المذاع على قناة الحدث اليوم: مع الإعلامي سيد علي.
