كتب- أحمد عادل
كشف المطرب عمر كمال أنه رفض الظهور في برنامج “رامز جاب من الآخر” مع الفنان رامز جلال هذا العام بسبب الشخصية التي كانت ستظهر معه.
وقال عمر كمال خلال تصريحات تليفزيونية: “كنت عارف أن في طرف تاني هيطلع في البرنامج وأنا مش عايزه، هي واحدة أنا مش عايز أظهرها للجمهور أو تظهر معايا في صورة واحدة”.
وتابع عمر كمال: “أنا كنت عارف فكرة البرنامج وكلموني فعلا ومقالوش مين هيطلع معايا لكن عرفت مين هي ورفضت لأني مش حابب اسمي يرتبط بالعلاقة دي، مكنش فارق الفلوس أنا كده كده الحمد لله بشتغل”.
وعن رأيه في حلقة حسن شاكوش وطليقته ريم طارق في برنامج “رامز جاب من آخر” قال عمر كمال: “أظن حسن شاكوش مكنش يعرف ولو كان يعرف مكنش هيروح، وبزعل لما اتنين شفت بدايتهم وألاقي النهاية بالشكل ده بدايتهم كانت حلوة وعملنالهم فرح جميل، أنا عاشرت حسن شاكوش في كل حاجة سفر ونجاح وخناقات، هو في حاجة أكيد بينهم محدش قالها، أنا مش بشوف حسن بشع للدرجة دي، حسن كان متقبل وكان ممكن يكمل لو اتقال كلمة كويسة، ولكن رد فعل طليقته كان مبالغ فيه”.
يذكر أن عمر كمال وحسن شاكوش وحمو بيكا طرحوا مؤخرا فيديو كليب “أنا في البلد عضمة”، من كلمات مصطفى الجن، وإسلام المصري، وتوزيع إسلام ساسو.
وعرض برنامج “رامز جاب من الآخر” في رمضان 2024 وظهر فيه عدد كبير من النجوم منهم أحمد السقا، سمية الخشاب، باسم سمرة، حمدي المرغني، أيتن عامر، حسن شاكوش، نجلاء بدر، أحمد حسام ميدو، حمادة هلال، محمد رياض، باميلا الكيك، محمد شاهين، حسن عسيري، وغيرهم.
