سادت حالة من الغضب والاستياء بين رواد السوشيال ميديا، وخاصة مستخدمي موقع التواصل الاجتماعي فيسبوك، على البنك التجاري الدولي CIB لسوء الخدمة المقدمة للعملاء، وضياع الوقت وعدم احترام العملاء والرد على اتصالاتهم، وصعوبة الخدمات وعدم التعاون.
وقال أحد عملاء البنك: ” بقالي أكتر من شهر في مشكلة، مش عارف اعمل تحويلات، روحت كل الفروع ومحدش بيساعدني والخدمة الصوتية سيئة، بتقولوا تم حل المشكلة ومفيش مشاكل بتتحل، أنا هعمل فيكم شكوى في البنك المركزي انهاردة، لعدم احترامكم لعملائكم وشغلهم الواقف بسببكم.
وتابع أحد العملاء:”انتوا بقيتو بنك سيء جدا، مش معقول كل ما اعمل ايداع استنى 10 أيام عشان الفلوس تظهر، انتو هتخلوني متعاملش مع البنك بتاعكم من كتر المشاكل حاجة بقيت تقرف.
وأضاف عميل آخر: ماكينة ATM سحبت الفلوس من يوم الأحد ومحتاج المبلغ ضروري وعملت شكوى متردش عليا.. لو سمحت محتاج الفلوس ترجع ضروري انهاردة، كل مرة يحصل كدا مش مشكلتي إن المكن كله بايظ.
وقال عميل آخر:ط أنا بقالي أكثر من خمس شهور معايا مشكلة مش عارف أحلها ومحتاج حد يتواصل معايا ضروري، وأضاف آخر:” للأسف من البنوك سيئة السمعة في الرد والمعاملة، أنا مقدم على طلب من أكثر من أسبوعين والى الآن محدش أعطاني إفادة خاصة بكشف الحساب.
وأردف عميل آخر:”فعلا خدمة سيئة جدا ومتعرفش توصل لحد من خلال الكول سنتر، عندي مشكلة وعاوز حد يكلمني ضروري، وتابع عميل آخر:” برجاء حل المشكلة كدة كتيير مش ممكن مش عارفين ترجعوا الفلوس والايداع تم في مكنة CIB يعني المفروض 3 أيام ولغاية دلوقت فات أكثر من 15 يوم حرام التعامل معاكم بقى قمة السوء.
وقال أحد العملاء:” بنك يسيبك نص ساعة انتظار ولما يفتحو عليك مبيتكلموش لحد لما تزهق وتقفل أو هما يقفلوا في وشك عادي، وتابع آخر:” أكثر من 6 ساعات الخدمة واقفة ليه، ومفيش وقت معين ترجع فيه الخدمة، وفي فلوس ومصالح مهمة واقفة يرضى مين.
