كتب_ أحمد عبد العليم
نشر الفنان وائل عبد العزيز، بوست جديد له، على حسابه الشخصي بموقع التواصل الاجتماعي “فيس بوك”
وكتب وائل عبد العزيز : “النهاردا كان يوم حلو ومناسبتين يستاهلوا الحمد .. الأولي إن ياسمين قاربت على التعافي بعد مشوار تعب طويل، لأني فعلا شوفت أختي علي مشارف الموت وكان إحساس صعب ربنا ما يكتبه علي حد”.
وأضاف: “ياسمين مش اختي دي بنتي وحبيبتي ، والتاني أني وبعد غياب اختفاء عن صحابي قابلتهم كلهم النهاردا في احتفال متعود علي التواجد في كل موسم ” dear guest “.
واختتم الفنان : “الحمد لله علي دعاء الناس من كل مكان في الدول العربية، وغيرها من الجالية المصرية والعربية حول العالم ، انتو مش متخيلين كم الرسايل والدعاوي والتمني بالشفاء لبنتي.. احنا والحمد لله في نعمة كبيرة وفضل من ربنا بوجود الناس دي حوالينا، وشكرا لكل الناس بجد من قلبي ويارب منشوفش في حد حاجة وحشه”.
نشرت الفنانة ياسمين عبد العزيز، فيديو جديد لها، على حسابها الرسمي بموقع الفيديوهات والصور إنستجرام.
وكتبت ياسمين عبد العزيز:”جمهوري الغالي في مصر والوطن العربي وحشتوني جدا الحمد لله انا بقيت كويسه وتعافيت الحمد لله عاوزاكم تتطمنو”.
وأضافت:” رغم كل الصعب اللي مريت بيه في ازمتي الاخيره إلا إن سؤالكم ودعمكم هو اللي كان بيهون عليا كل اللحظات المره اللي عدت عليا .. وكفايه اني اقولكم اني حقيقي شفت الموت وكان قريب جدا .. لكن بفضل الله وبفضل دعواتكم الجميله الصافيه وبفضل وقوفكم جنبي بقلبكم وبحبكم وبنيتكم الطيبه ربنا استجاب لدعواتكم وربنا كرمني وعديت المحنه علي خير الحمد لله”.
واختتمت:”كلمة شكرا قليله اوي عليكم وعلي حبكم انا بحبكم جدا وحقيقي انا عاجزه اني اردلكم كل الحب وكل الدعم اللي شفته منكم … بشكر ربنا وشكرا جمهوري الغالي في مصر والوطن العربي”.
