الموقعتحقيقات وتقارير

رجالة ماسبيرو اللي خلوك «إعلامي».. درس قاسي من مذيعين التلفزيون لـ«عمرو أديب»

«اللى ما عندوش مبدأ و ماهر فى تغيير جلده حيقدر يعرف ازاي قيمة التاريخ»؟

«مهابة»: اللى ميعرفش يقول عدس.. ودعاء: لا يعرف ماذا يقال عنه

ماسبيرو الأصل: لو أكلنا مانجو على الهواء نشتريها من جيوبنا.. وليس من هيئة الترفيه السعودية

«راضي»: مش حتفرق معاك.. عندك كفيل بيصرف عليك ملايين

تقرير – نور معتز 

هاجم عدد كبير من المذيعين والمعدين والعاملين في مبنى التلفزيون المصري ماسبيرو، الإعلامي عمرو أديب، بعد أن أعلن موافقته على نقل ماسبيرو لمبنى آخر في العاصمة الادارية، وتحدثوا عن مشاكلهم في المبنى، والقدرة على تحقيق النجاح من جديد لو توفرت النوايا والقرارات.

كان الإعلامي عمرو أديب قد تحدث في برنامجه «الحكاية» عن موافقته على نقل مبنى ماسبيرو، وانتقد ما قيل عن إنشاء مبنى في العاصمة الادارية كامتداد لماسبيرو وقال نصا: على أساس إن ماسبيرو ناجح قوي فحنعمله امتداد!.

المذيعة معتزة أحمد مهابة، هاجمت عمرو أديب قائلة: ما هو اللى ما عندهوش مبدأ و ماهر فى تغيير جلده حيقدر يعرف ازاي قيمة التاريخ.. حيقدر يفهم إزاي معنى الانتماء.. اللى زي دول بيبعيوا نفسهم للى بيدفع أكتر ..فما بالك لو تاريخ بلده.. مصر بتشتكيكم كل يوم لربنا.”

وأضافت مهابة «قارنوا بين أخلاق المجتمع ووعيه وثقافته لما كان ماسبيرو هو الإعلام وبين دلوقتى.. بس اللى ما يعرفش يقول عدس!».

أحمد راضي المعد بقناة النيل الثقافية، قال لعمرو أديب: «مش هتفرق معاك في حاجة أنت في كل الأحوال عندك كفيل بيصرف عليك ملايين..»، في حين قالت فاطمة رؤوف محررة بالموقع الموحد الإلكترونى في ماسبيرو:

“نصيحة لوجه الله لو مش من أبناء ماسبيرو ولا اشتغلت فيه ولا تعرف حاجة عنه يبقى وفر رأيك فى مشكلة نقل أو مش نقل ماسبيرو عشان هيبقى شكلك مش تمام وأنت بتتهزق من كل اللي تربى في ماسبيرو وعارف تاريخه”.

فيما هاجمت دعاء المحلاوي، بالقناة الفضائية المصرية ، عمرو أديب بشدة، قائلة: هل يعلم عمرو أديب وأمثاله، بيتقال عليهم إيه ؟.. كفايه بقى كلام عن ماسبيرو وعن عدم نجاحه ( المتعمد )… يارب محتاجين تدخل إلهي”.

نرشح لك :  ناس لها مصالح.. «الموقع» يكشف حقيقة إخلاء مبني ماسبيرو وتحويله لفندق

فيما دشن العاملين في ماسبيرو، صفحة على موقع التواصل الاجتماعي “فيس بوك” أطلقوا عليها «ماسبيرو الأصل»، واطلقوا منها عدة “هاشتجات”.. منها أنا ابن ماسبيرو ومنها صورتك مع المبنى، بالإضافة لحكايات لمذيعين ومعدين داخل المبنى وشكاوى من الإهمال وقلة الاهتمام بالبرامج أو وضع خطة للنجاح، كما تحدثوا عن تدني الأجور.

وكتبت الصفحة مهاجمة عمرو أديب: «الأستاذ المحترم عمرو أديب، بالنسبة لماسبيرو اللي مش عاجبك، حضرتك متعرفش إن مخرج البرنامج بتاعك الأستاذ أحمد مصطفى من أبناء ماسبيرو، طب حضرتك متعرفش أن المخرج السابق للبرنامج الأستاذ شريف السقا الله يرحمه من أبناء ماسبيرو، طب حضرتك متعرفش إن معظم المصورين لبرنامجك من ماسبيرو، طب حضرتك متعرفش أن الأستاذ محمد عبد المتعال رئيس قناة MBC مصر من أبناء ماسبيرو.. اعتقد كده بقى عرفت أن ماسبيرو مدرسة الإعلام.. شكرا”.

وتساءلوا، هل من الممكن مثلا أن يطالب عمرو أديب والذي يعمل بقناة سعودية بهدم مقر التلفزيون السعودي ونقل مقره!.
وهاجم بعضهم أديب.. “يا أستاذ عمرو ماسبيرو لم يفشل لكن حتى لو وصل مذيعوه لفكرة أكل المانجو على الهواء نقوم بشراؤها من مالنا الخاص، ومع ذلك لا زلنا نسعى مهما زادت التحديات، بارك الله لك في ملايين الدولارات من هيئة الترفيه السعودية”.

وعلقت الصفحة على صورة وضعوها وكتب عليها: كل حاجة حصري فقط على التلفزيون المصري! بأن كل حاجة ممكن ترجع في ثوان لو فيه قرار».

مقالات ذات صلة

زر الذهاب إلى الأعلى