أكد مرتضى منصور رئيس نادي الزمالك أنه قام بإعداد 50 عضوية عاملة لذوي الاحتياجات الخاصة دون توجيه من أحد عكس النادي الأهلي الذي قام بعضوية للسباح عندما طلب ذلك وبتوجيه من الرئيس عبد الفتاح السيسي.
قال مرتضى منصور في تصريحاته عبر قناة الحدث اليوم: “عملت 50 عضوية عاملة لذوي الاحتياجات الخاصة ولا يوجد خلاف نهائي مع الدكتور مصطفى مدبولي رئيس الوزراء وكلامي اتفهم غلط”
أضاف: “محدش اتكلم لما الخطيب طلع بيان وشكر الرئيس عبد الفتاح السيسي وانا لما اعمل كدة الناس كلها تتكلم وتقول مرتضى بيجيب اسم الريس ليه، ربنا اللي قال من لا يشكر الناس لا يشكر الله”
وتابع: “50 عضوية عاملة لذوي الاحتياجات الخاصة يعني العضو يدخل معاه أسرته داخل النادي، عكس اللي عملها الخطيب للسباح عمله عضوية رياضية يعني حمام السباحة بس ولوحده بدون أسرته”
وختم حديثه قائلا: “مصر بتتغير مع الرئيس السيسي، ولازم اشكر الرئيس في كل وقت ولازم اشكر جمهور الزمالك اللي ظهر وقت الشدة وظهر وهو بيدعمني في اصعب الاوقات وعايز افرحهم واردلهم الجميل” ،
