كتبت أميرة السمان
وصفت الفنانة دينا الشربيني رحلتها كمذيعة في بدايتها الفنية بأنها كانت “ضائعة” قائلة: “كنت صغيرة أوي في برنامج شبابيك عمري كان لسه عشرين سنة كنت بطلع اقول أي حاجة”.
وأشارت الشربيني، إلى أنه في رحلتها من المذيعة لكامل العدد كانت مليئة بالنجاحات بداية من “جراند أوتيل” ومروراً بـ “زي الشمس” ثم مليكة لكن كامل العدد بجزئيه بالأخص السيزون الأخير مثل لها سعادة غامرة لأنه ارتبط بالأطفال .
أكملت الفنانة: لما بلاقي الناس من الأطفال في سن أربع سنوات لحد الكبار بيشوفوني بيحبوني ويتصوروا معايا ده أجمل إحساس دلوقتي حسيت أني عملت حاجة أبقى ماشية مبسوطة بيها “.
ورداً على سؤال الإعلامية لميس الحديدي هل بعد تلك النجاحات وكامل العدد حددتي مسارك تراجيدي أم كوميدي؟ : أو توليفة دينا الشربيني، أجابت قائلة : لسه معرفتش قدعت فترة بعمل “سسبنس ” ورا بعض وكنت حابه أدخل في الزواية دي لان مافيش بنات كتيرة بتدخل فيها بس بعدها ومع الوقت حسيتت الناس زهقت”.
أردفت : لما بشوف دور حلو وأنا بحب النكد في الأدوار ببقى مبسوطة في التصوير في الادوار الكوميدي لكن التراجيدي له مذاق خاص لانه بحسب بمجهود ومذاكرة وتعب وانا شخصياً بتعب وبفضل متأثرة شوية”.
وواصلت : الكوميدي مرهق برضه من ناحية أني لازم أنجح في إضحاك الناس ببقى طول الوقت خايفة يبقى دمي تقيل او بستظرف “، جاء ذلك خلال لقاء عبر برنامج ” كلمة أخيرة ” الذي تقدمه الاعلامية لميس الحديدي على شاشة “ ON”.
