كتبت – أسماء مدحت
كشفت الفنانة حورية فرغلي حقيقة علاقتها بمؤدي المهرجانات الشعبية حسن شاكوش، بعد تصريحات طليقته ريم طارق أمس حول علاقتة بإحدى الفنانات التي تعاني من حالة صحية سيئة في الفترة الأخيرة وثالث حرف من اسمها هو راء.
وقالت حورية فرغلي، في تصريح خاص لـ «الموقع»: أنا عمري فحياتي ما شوفت شاكوش على الحقيقة ولا قابلته ولا ليا علاقة بيه خالص، وبعدين أنا أصوم أصوم وافطر على واحد متجوز! .. أنا مش كدا خالص ولا أهلي ربوني على كدا.
نرشح لك: محمد حماقي لـ«الموقع»: «لمون نعناع» للجمهور خلال أيام..والألبوم الجديد أغاني سينجل
وتابعت:” مش حورية بس اللي اسمها فيه حرف الراء، فيه يسرا وشيرين كمان، وأنا مش مرتبطه ولا فيه مشروع ارتباط ولسا مقابلتش نصي التاني وياريت اتجوز”.
وأضافت، أنا مش قصدي حاجة وحشة على شاكوش، أنا بحب أغانية جدا، وأنا ما فكرتش اتواصل مع ريم طليقته علشان هي عارفة تقصد مين كويس ومقالتش اسمي.
وأعلنت «فرغلي»، أنها ستشارك في فيلم ومسلسل من ٧ حلقات سيعرض على إحدي المنصات، وفي إنتظار قرار الشركة المنتجة لبدء التصوير.
