تامر للصعايدة : جزمكم علي راسي وأنا أسف .. والشارع الصعيدي يرد : غير مقبول ولن نترك حقنا

كتبت_فاطمة عاهد

خرج الإعلامى تامر أمين في فيديو على صفحته الشخصية، صباح اليوم معتذرا عن إهانته لأهالى الصعيد فى برنامجه، وقال فى الفيديو: “أقدم اعتذار واضح وصريح لا لبس فيه لكل أهالينا فى الصعيد وفى كل مكان بمصر، اللى زعلانين منى، أنا لا هكابر ولا هآوح، أنا من الناس اللى بتعتذر لما تحس إن الناس زعلانة منها، حتى لو كانت نيتى يعلم بيها ربنا نيتى خير وكان الهدف هو المصلحة العامة”.

وأكمل تامر أمين: “أنا أكتر حاجة تضايقنى فى الدنيا إن واحد صعيدى بس أو واحدة صعيدية بس يزعلوا منى، وأنا من أكتر المؤمنين بالصعيد واحترام الصعيد وعزة نفس الصعيد وكرامة الصعيد وأصل الصعيد، صعيد مصر هما أصل مصر اللى طلعولنا الناس المفكرين والأدباء والناس الشريفة المحترمة”.

وتابع أمين: “والله ما أقصدتش الإهانى أبدأ، ودى آخر حاجة تيجى على دماغى، وآخر حاجة في الدنيا إن يبقى حد صعيدى زعلان منى، فانا بقول لكل صعيدى وصعيدية جزمتكم على راسى من فوق، وأنا ابنكم وأنا ابن ريف مصر، ونسايبى أساساً من الصعيد مرات أخويا من الصعيد وبتشرف بيها وبالنسب دا”.

واختتم حديثه تامر أمين :”أرجوكم متزعلوش منى وحتى لو كان قصدى خير بس لو واحد فيكم بس زعلان انا بقوله حقك عليا وأنا آسف فى اعتذار صريح وهذا الاعتذار سينشر في كل مكان”.

بينما رفض المتابعين اعتذاره، خاصة أهل الصعيد والريف، وطالبوا برد كرامتهم وحقهم، مؤكدين على أنهم لن يتركوا حقهم في الثأر منه بسبب كلماته المهينة

بعد اهانته بنات الصعايدة والفلاحين : “الاعلي للإعلام ” يوقف برنامج تامر أمين واستدعائه للتحقيق

النهار تفتح تحقيقاً مع تامر أمين وتعتذر لأهل الصعيد

تامر أمين ابن الذوات يهين بنات الصعايدة: “بيخلفوهم عشان يشغلوهم خادمات في القاهرة”