كتب- أحمد عبد العليم
تحدثت الفنانة المصرية بوسي عن علاقتها بطليقها وخلافها مع، وذلك خلال حلولها ضيفة على برنامج حبر سري الذي تقدمه الإعلامية أسما إبراهيم.
قالت بوسي: أنا اتجوزت وأنا عندي 19 سنة وكان مقفول عليا أوي لدرجة أني مش بعرف أشوف أهلي.
وتابعت: وطليقي كان مانعني من الصحاب والمقربين عشان يبقى مكوش عليا، ومحدش ياخد السبوبة، وبعد ما انفصلت بقيت عايزة أعمل صحاب، وأعيش حياتي في نطاق الاحترام.
واستطردت بوسي: ممكن يكون هو اللي قال كدا للناس.. أنا مش عايزة أخوض في سيرته كتير، الله يسهله، وطول ما هو بعيد هني أنا تمام.. بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده.
واستكملت بوسي حديثها عن علاقتها بزوجها السابق قائلة: والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي.
وأضافت: مش هو بيقول أني صرفت عليها ؟.. جيبي صوري زمان وشوفي منظري، دا منظر واحدة اتصرف عليها الأرقام اللي هو كان بيقولها ؟، وأنا اللي كنت ست وراجل البيت، أنا اللي كنت بصرف وأنا اللي كنت بعمل كل حاجة.
واختتمت بوسي حديثها قائلة: أنا مش بتكسف من أي مرحلة في حياتي، ودا شرف ليا أني شقيت وتعبت، ووصلت للي أنا فيه، وفيه حواليا ناس ساعدتني، أنا مطلعتش لوحدي، وهو مكانش ليه فضل عليا، وهو كان بياخد الفلوس اللي كنت المفروض اخدها .
