كتب- أحمد عبد العليم
تحدثت الفنانة بوسي عن عملية التجميل الوحيدة التي خضعت لها.
وقالت بوسي إنها أجرت عملية تجميل في أنفها وأصبحت تشعر بالراحة.
وحكت قائلة: “عملت تجميل مرة واحدة مناخيري كانت مضيقاني، كنت بحس أن شكلي بقى أحلى لكن في حاجة واقفة عقبة مش مريحاني، أنا كنت ضد عمليات التجميل وبحب نعمة ربنا، لكن مفيش مانع لو في حاجة مش مرتحالها أظبطها في نطاق المعقول، والحمد لله لما عملتها مرتاحة نفسيا وحاسة شكلي بقى أحلى”.
وعن تعرضها للتنمر وتعليقات ساخرة على صورها القديمة قالت بوسي: “الموضوع بيضايقني لكن مش برد، ردي بيكون بشغلي وبأغانيا، دا هو الأسلوب ومش عارفة هيستفادوا إيه، طبيعي أن كل واحد فينا في مرحلة عمرية شكله بيختلف، بعيدا عن التجميل، حال الحياة أن الشكل بيتغير مع السن”.
وخلال اللقاء كشفت بوسي سبب حدوث قطيعة بينها وبين المطرب سعد الصغير، نافية أنها تصرفت معه كنجمة، وتوقفت عن الرد على مكالماته.
وقالت بوسي: “أنا مش بعمل نجمة على حد وده مش أسلوبي، وهو عامل خاصية في تليفونه وقافله 24 ساعة”.
وأضافت: “أنا قاطعته لإنه تدخل في موضوع أبويا، ودي حاجة مش من حقه يتدخل فيها”.
