الموقعمنوعات

بعد لقاء شيكابالا مع عمرو أديب.. نشوى مصطفي:” إحنا بنحبك يا ابن بلدنا الطيبة”

كتب_ أحمد عبد العليم

نشرت الفنانة نشوى مصطفي، اليوم الأحد، بوست جديد لها، على حسابها الشخصي بموقع التواصل الاجتماعي “فيس بوك”.

وكتبت نشوى مصطفي:”متعيطش يا شيكا، إحنا بنحبك يا ابن بلدنا الطيبة”.

تصدر محمود عبد الرازق شيكابالا، اليوم الأحد، مؤشرات البحث على موقع جوجل تريند، بد ظهور مميز في حلقة أمس مع الإعلامي عمرو أديب عبر شاشة «mbc مصر».

وفيما يلي يقدم موقع الموقع أبرز تصريحات شيكابالا بعد ظهور مع الإعلامي عمرو أديب

1- أنا سهل الاستفزاز لما يبقى ليا حق، ومن 20 سنة محدش جابلي حقي من جماهير الأهلي واتعرضت لعنصرية أنا وزوجتي وابني، واللي بيحصل معايا محصلش مع حد تاني، والتجاوزات اللي حصلت ضدي محصلتش ضد أي لاعب في التاريخ.

2- كارتيرون أول ما رجع كنا زعلانين منه عشان سابنا ومشي في وقت مهم حتي أنا مكنتش قادر أتدرب معاه لحد ما قعدت معاه أنا وعبدالشافي وفهمنا هو مشي ليه وخلاص الدنيا أتغيرت، وهو مدرب كبير وبيتعامل بشكل ممتاز مع اللاعبين.

3-جماهير الأهلي في أسوان بيتصوروا معايا وعلاقتي بيهم جيدة جدا، الناس بتشوف اللي بيحصل في الماتش ومحدش بيشوف اللي بيحصل برا.

4- أنا لو قتلت حد في الكورة مش هتوقف 8 شهور، ولو رجعنا للايحة مفهاش حاجة أسمها لما أقولك يا أهلاوي أتوقف 8 شهور، هي كلمة يا أهلاوي إهانة للدرجادي؟.

5- لو استمرت عقوبة الـ8 أشهر هلجأ للاتحاد الدولي لكرة القدم، ولو لجأت للفيفا في الأزمات الماضية كنت هحصل على حقي أيضًا.

6- في إحدى المباريات الأخيرة في الدوري، لقيت واحد بيعمل «عمل» وبيعزم وواقف بيعمل حركات غريبة على باب أوضه تغيير الملابس قبل المباراة، بس مش هاقول هو مين النادي عشان عيب، عشان أحنا الزمالك وكسبنا الماتش برضوا الحمد لله.

7- بعد اعتزالي كرة القدم ناوي أدخل مجال التدريب وهسافر هولندا للحصول على شهادة من أكاديمية كرويف في هولندا وأمنيتي تدريب نادي الزمالك.

8- احنا خدنا الدوري دلوقت الموسم اللي جي يتداس عليك زي موسم 2011 المدافع طلع الكوره بايده و جول عبد الشافي الاوفسايد كل ده بيحصل معانا وقدام الناس.

9- لو الكاس أتلعب هنكسب الكاس، ولو الدنيا كورة بس هنكسب الدوري السنة الجاية بس مش هيسيبونا نكسبه أبداً.

10- مره كنت في فندق وأنا وزوجتي وآدم، ومرة واحدة واحد قال إزاي شيكا يجيب «نسوان»، وبعد كده فهمت أن فيه لعيبة في نادي تاني جابوا ستات وشرب ف سيبت الفندق ومشيت.

مقالات ذات صلة

زر الذهاب إلى الأعلى