برلماني سابق: الوضع الاقتصادي بحاجة لمُعجزة.. وصحفي يرد عليه «العالم كله عنده نفس الظروف ويمكن أسوأ»
أحد رواد السوشيال ميديا لـ جون طلعت: «احنا عارفين إننا في أيام صعبة.. إيه الجديد»
قال البرلماني السابق، جون طلعت، إنَّ الوضع الاقتصادي في مصر بِحاجة إلى مُعجزة، مضيفًا أن: «هذا الوضع يَحتاج من الشعب حُسن التدبير خلال الفترة المقبلة».
وأضاف طلعت، خلال تدوينة لهُ عبر صفحته الشخصية على موقع التواصل الاجتماعي «فيسبوك»: «صباح الخير في كلمتين عايز أقولهم ليكم أنا مش خبير اقتصادي لكن أنا هقول من اللي أنا شايفه.. حقيقي ربنا يستر علي الوضع البلد اقتصاديًا الفترة المقبلة داخلين على أيام صعبة كل حاجة بتغلي ٣٠٪».
وتابع طلعت: «ولسّه فعلا احنا وضعنا الاقتصادي بقى محتاج معجزة ومحتاج مننا كلنا غير نحسن التدبير.. ياريت نركز في الشغل وبس الفترة دي شغل كتير ومجهود أكبر وكمان محتاجين نشوف الناس اللي حوالينا وإزاي نقدر نساعد بعض ونصلي كلنا ربنا يحافظ علي البلد.. صدقوني لسه صعب جاي».
بينما تفاعل الصحفي، مدحت مكرم، على منشور البرلماني السابق جون طلعت، عبر فيسبوك، قائلاً له: «آسف اختلف معك معالى النائب ولسبب بسيط أن العالم كله عنده نفس الظروف ويمكن أسوأ.. وثانيا لأن أكيد مليون المية الحكومة وعلى رأسهم السيد الرئيس لن يسمحوا بانهيار الاقتصاد وهناك الكثير من الخطط القصيرة وطويلة المدى للصعود باقتصادنا وأقربها الاتفاقات الدولية التى تمت فى مؤتمر المناخ».
وعلقت أحد رواد السوشيال ميديا وتدعى، رحاب محمد، على منشور جون طلعت، قائلة له عبر تعليق مفاده كالتالي: « حضرتك بتقول تساعد الناس ثم أصلا حضرتك أنا جتلك المكتب وحضرتك لم تُساعدني فـ اللي كنت عيزاه منك مجرد خدمه ودا بجد.. وتاني حاجه ما احنا عارفين اللي احنا في أيام صعبة إيه الجديد أهم حاجه الناس الأغنية يكونوا مبسوطين وحضرتك طبعا من ضمنهم».
