بالڤيديو والصور ..جاكلين سعد تزور 57357 وتؤكد :«الهيئة القبطية الأمريكية» تثمن دور المستشفي «نفس المستوى في أمريكا وأوروبا»
كتب – كريم أحمد:
نظمت جاكلين سعد ، سكرتير عام الهيئة القبطية الأمريكية ، احدي خريجات الأكاديمية الوطنية للتدريب ، زيارة لمستشفي سرطان الأطفال 57357 بصحبة الدكتورة مروه غراب ومجموعة من الاطفال وبدعوة من الدكتور أيمن الغزالي ، ومحمد المصرى من قسم العلاقات العامة وكتبت جاكلين سعد عبر صفحتها الرسمية علي موقع التواصل الاجتماعي فيس بوك : «دي حقيقة مش خيال ولا كلام اعلانات وتلفزيونات وسوشيال .. لا ، اللي شوفته في مستشفي 57357 حاجة عظيمه وصرح طبي كبير وانجاز ضخم ودليل حقيقي علي اننا اذا اردنا فعلنا ، كل حاجه هنا منظمه ، كل حاجه معمول حسابها ،، علشان كده فعلا مش معقوله الناس والمشاهير وكله يكتب عنهم ومغيش دليل ،، لأ دا في الف دليل علي ان المكان ده ناجح وقوى وكبير وعملاق ، شكرا بجد للدكتور أيمن الغزالي علي الدعوة ومحمد المصرى من قسم العلاقات العامة علي حُسن الاستقبال والدكتورة والصديقة والزميلة مروه غراب علي وجودها معايا في الزيارة الجميلة دي ويارب 🤲🏻🤲🏻 يشفي كل أطفالنا ويشفي كل مريض ،، علي فكرة أنا عايشه في أمريكا من سنين كتير وشوفت مستشفيات وأماكن رعاية صحية وطبية كتير وبأكد إن مفيش أي فرق بين مستشفي 57357 وبين أي مستشفي في أمريكا أو أوروبا من حيث الامكانيات والتجهيز والنظافة وطريقة الاستقبال والرُقي في المعاملة
شكرا علي كل حاجه حلوة شوفتها في الزيارة دي ومنحتني طاقة ايجابية»
