كتبت أميرة السمان
قال المخرج عمرو سلامة، إنه مارس العمل السياسي في الفترة من 2011 لـ 2013 بنوايا طيبة، مشيرا إلى أنه قرر الابتعاد عن السياسة بعد الإعلان الدستوري في 22 نوفمبر 2012.
وأضاف: “كان عندي نوايا طيبة بس استنفذت في حجات مش بتاعتي، وخدت مني سنتين، وبشكل واعي قررت أنفصل عن الانغماس في أحداث النهاردة، وأفكر بشكل أعمق، يوم ظهور نتيجة انتخابات الرئاسة في 2012، ويومها جالي إحباط كبير لأن مش ده الخيال والطموح اللى خرجت عشانه”.
وتابع: “آخر يوم اشتركت في مظاهرة كان 22 نوفمبر، وآخر مرة أكتب عن السياسة، أن اليوم ده محبط جدا وبعدها حصل سلسلة من الإحباطات ومن وقتها قلت محتاج أتأنى في رؤيتي للأشياء، وطاقتي أوجهها لما أجيده وأعرفه وهو الفن”.
وأردف: “السياسي بيلعب على حب الناس لمشروعه السياسي، لكن الفنان بيحاول يفكر ويتعب عشان يوصل بمشروعه للناس، وأرى أن اشتباك الفنان مع القضايا السياسية مهلك جدا وبياخد من مصادقيته أمام الناس”، جاء ذلك خلال مداخلة هاتفية ب برنامج “آخر النهار” .
