داعب الرئيس عبدالفتاح السيسي ، خلال جولته فجر اليوم بالدراجة بمدينة العلمين الجديدة عسكري مرور يدعي أيمن من محافظة المنوفية ، خلال حوار بينهما أثناء سير الرئيس ، قائلاً : خليك دوغري يا أيمن المنايفة دول أنا عارفهم كويس خاصة بتوع أشمون وقولي عايز إيه .. ليرد الشاب ضاحكاً علي الرئيس قائلاً : أنا والدي من المنوفية ومولود هناك بس انا مولود في العامرية بالإسكندرية.
وتابع العسكري : أنا عندي ٢٩ سنة وعندي مكتبة مأجرها ب٣٠٠ جنيه .. بس انا عايز شغل لما أخلص خدمتي وجيشي السنة اللي جاية اشتغل في عمل ثابت .
ورد عليه الرئيس السيسي : أنت لسه صغير وان شاء الله تخلص الجيش في شهر أبريل القادم ، وسأله السيسي : لو المكتبة اللي عندك دي عايز تاخد واحدة اكبر منها تبقي بكام في الشهر ؟ .
فرد عليه الشاب : هيبقي ايجارها بحوالي ٣ آلاف جنيه فالشهر ياريس بس هتبقي في مكان كويس وتكسب أكتر لان المكتبة اللي انا واخدها دلوقتي دي ب٣٠٠ جنيه في الشهر والناس الكبار اللي جنبي مبيخلوش الصغير يكبر ، ليرد عليه الرئيس السيسي : عيب هزعل منك وأقولك أنا اطحن نفسي ومكلوش ومنمش ولا حد يغلبني أبداً وأبقي جامد وقوي .
وفي نهاية حديثه هنأ الرئيس السيسي ، العسكري بعيد الأضحي المبارك وطلب منه توجيه التحية لوالده وأسرته .
نرشح لك
